جمهور باشلیغی ایردوغان کون ترتیبی حقیده بیانات بیردی

جمهور باشلیغی رجب طیب ایردوغان، روسیه دولت باشلیغی ویلادیمیر پوتین بیلن 14 فبروریده ساچیده اوچره شه دیگن لیکلرینی بیلدیردی.

تورکیه رادیو تلویزیونی (TRT) نینگ جانلی روشده گی پروگرامی گه اشتراک ایتیب کون ترتیبیده گی موضوعلر بوییچه سواللرگه جواب بیردی.

جمهور باشلیغی ایردوغان؛ تورکیه سیاستی نینگ شمالی سوریه نینگ تمامیت ارضی نینگ اساس قیلیب آلگن لیگینی معلوم قیلدی.

"بیز سوریه نینگ پارچه لنیشینی خواهله مه یمیز. بیز هم روسیه همده ایران، بو موضوعده ساچیده باشلنگن فعالیتلرده بونی قاطع بیر شکلده اورغوله دیک" دیدی.

ایردوغان جنابلری تورکیه دن بیر هیئت نینگ روسیه گه بارگن لیگینی بو جایده گی اوچره شوولرده یوتوقلی ینگی لیکلر بولگن لیگینی قید ایتدی.

"شو بیلن بو جایده گی گروهلر تیزلیکده بوجاینی ترک ایته دیلر. 300 مینگ اطرافیده سوریه لیک اوز مملکتلریگه قیتیب باردیلر. بو جایلر بوشه گنده بو جای نینگ خلقی هم اوز توپراقلریگه قیتیب باره دیلر. بیز ایندی آتیله دیگن آدیم بیلن بونی ریجه له یمیز" دیب گپیردی.

"عقل سلیم غلبه قازانیب همه اوز وظیفه سینی بجره دی دیب امید قیله من" دیدی.  

سوریه گه 23 مینگ عراده تیلر قورال و سامان - اسباب کیرگن لیگینی معلوم قیلگن ایردوغان جنابلری، قولگه آلینگن برچه قوراللرنینگ امریکا قوشمه ایالتلریگه باغلیغ ایکن لیگینی قید ایتدی.

"ترور تشکیلاتلری نینگ قورال ساتیشی بیلن تیگیشلی اوله راق "مالی منبعلریدن بیرته سی انه شو قورال ساتیشی دیر. او جایده گی تینچ اهالی نینگ قولیده هم امریکانینگ قوراللرینی کوریش ممکن" دیب گپیردی.

ترامپ نینگ فرات دریاسی نینگ شرقیده "بیز ترک ایتیب کیته میز" دیب وعده بیرگن لیگینی ایسلتگن ایردوغان " بونی قیسقه مدت جریانیده عملی قیله دیلر دیب تمنی قیله من. چونکه بیز خطر آستیده یشه ماقچی ایمس میز. خوددی شو اوچون خوف، تهدیدنینگ نشانه سینی کورگنده حرکت گه اوته میز" دیدی.