ایردوغان اشرف غنی گه قیغوداشلیک بیلدیردی
افغانستان جمهور باشلیغی محمد اشرف غنی گه قیغوداشلیک پیامی جونتدی
تورکیه جمهور باشلیغی رجب طیب ایردوغان نینگ افغانستان جمهور باشلیغی محمد اشرف غنی گه قیغوداشلیک پیامی جونتگن لیگی بیلدیریلدی.
جمهور رئیس لیک منبعلریدن آلینگن معلوماتگه کوره، ایردوغان نینگ غنی گه وردکده گی حادثه ده حیاتینی یوقه تگنلر اوچون تسلیت پیامی جونه تیب ترورچیلیکنی قتتیق بیر شکلده قاره له گن.
ایردوغان جنابلری اوز پیامینی شو شکلده یازگن:
"حرمتلی جمهور باشلیغی، عزیز ایناغم، وردک ولایتی نینگ مرکزی میدان شهرده 21 جنوری 2019 ده اویوشتیریلگن ترورچیلیک هجومیده کوپلب خوفسیزلیک کوچلری منسوبی نینگ حیاتینی یوقه تگن لیگینی و یره لنگن لیگی اچینرلی خبرینی خبر بولیب قالدیم. بو منفور ترورچیلیک هجومنی قاره له یمن. تورکیه نینگ تروریزم گه قرشی کوره شیده دوست و قرینداش افغانستان نینگ یانیده ایکن لیگینی ینه بیر مرته تکرارله یمن. حیاتینی قولدن بیرگن قرینداشلریم گه الله تعلی دن مغفرت، یره لی لرگه عاجل شفا، دولت باشلیغی اوله راق اوزینگیزگه، دوست و قرینداش افغانستان خلقی گه ملتیم و شخصیم تامانیدن تسلیت بیلدیره من" دیب ایتگن.
افغانستان نینگ میدان وردک ولایتیده توناون کونی طالبان گروهی تامانیدن عسکری کمپ گه اویوشتیریلگن ترورچیلیک هجومده 126 کیشی حیاتینی یوقه تگن ایدی.
