ایردوغان بیلن ترامپ تیلفون آرقه لی صحبت عملگه آشیردی

جمهور باشلیغی رجب طیب ایردوغان، تورکیه نینگ سوریه نینگ منبج تومنیده خوفسیزلیک مسؤلیتی نینگ وقت اوتکزمه ی قولگه آلماقچی ایکن لیکلرینی ایتدی.

جمهور باشلیغی رجب طیب ایردوغان تیلفون آرقه لی امریکا قوشمه ایالتلری دولت رهبری دونالد ترامپ بیلن صحبت قیلدی.

جمهور رئیس لیک منبعلریدن آلینگن معلوماتگه کوره، اوشبو صحبتده اوز ارا مناسبت قاله ویرسه سوریه موضوعسی مطرح بولگن.

عین دمده اوتگن هفته منبجده یوز بیرگن ترورچیلیک حادثه سیده حیاتینی یوقه تگن امریکالیک پرسونل اوچون تسلیت بیلدیرگن ایردوغان جنابلری، بو الملی حادثه نینگ امریکا قوشمه ایالتلری نینگ سوریه دن چیقیشی بیلن تیگیشلی تبلیغی بیر حرکت ایکنینی افاده ایتدی.

ایردوغان، تورکیه نینگ منبج تومنطقه سیده خوفسیزلیک مسؤلیتی نینگ وقت اوتکزمه ی قولگه آلماقچی ایکن لیکلرینی، بولووچی ترور تشکیلاتی پی کاکا و پی کاکانینگ سوریه ده گی ترماغی نینگ بو مملکت نینگ شمال – شرق تامانی نینگ تینچ لیگینی برهم اوریش اوچون بیر خطر تشکیل ایتووچی فعالیتلریگه رخصت بیرمس لیکلرینی اورغوله دی.

ایککی رهبر، داعش ترور تشکیلاتی نینگ سوریه ده گی موجودیتی نینگ برهم اوروب تمیزلش و قیته دن او جایده پیدا بولیشی گه توسیق بولیش اوچون چاره – تدبیرلرنی مشترکاً آلیش توغریسیده کیلیشگنلر.

جمهور باشلیغی ایردوغان و ترامپ، خوفسیز منطقه توغریسیده تورکیه و امریکا قوشمه ایالتلری نینگ قوراللی کوچلر قومندانلری اورته سیده باشلنگن مصلحتلرنی تیزلشتیریب دوام ایتیشی و اوز ارا تجارت حجمی نینگ یوقاری آلیب باریش موضوعسیده همفکر بولگن لیکلری بیلدیریلدی.