دونالد ترامپ نینگ ملی خوفسیزلیک مصلحتچیسی تورکیه گه سفر قیلیب کیله دی

امریکا قوشمه ایالتلری دولت باشلیغی دونالد ترامپ نینگ ملی خوفسیزلیک مصلحتچیسی جون بولتون 8 – جنوریده تورکیه ده بیر قطار اوچره شوولر اوتکزه دی.

امریکا قوشمه ایالتلری دولت باشلیغی دونالد ترامپ نینگ 19 دسامبرده امریکا کوچلری نینگ سوریه نی ترک ایتیب چیقه جگینی بیان ایتیشی نینگ آرتیدن تورکیه و امریکا قوشمه ایالتلری اورته سیده منطقه نینگ خوفسیزلیگی بیلن تیگیشلی دیپلوماتیک اوچره شوولر باشلندی.

بو چوکاتده، امریکا قوشمه ایالتلری دولت باشلیغی دونالد ترامپ نینگ ملی خوفسیزلیک مصلحتچیسی بولتون نینگ اسرائیل سفری نینگ آرتیدن 7 جنوریده پایتخت انقره گه سفر قیلیب کیلیشی کوتیلماقده دیر. 8 جنوریده بیر قطار اوچره شوولرنینگ آرتیدن عینی کونی تورکیه نی ترک ایتیب کیتیشی نظرگه توتیلگن.

بولتون، امریکا قوشمه ایالتلری نینگ سوریه نی ترکی ایتیب چیقیش قراری نینگ آرتیدن سفری بیلن تیگیشلی اجتماعی میدیا ترماغی تویتر آرقه لی نشر قیلگن پیامیده؛

"داعش گه قرشی کوره ش نینگ کیینگی آدیمینی و منطقه ده گی متفقلر بیلن شریکلر دوچ کیلگن خوفسیزلیک مسئله لرنی گپیره میز" دیب ایتگن ایدی.

جمهور رئیس لیک سوزچیسی ابراهیم قلین، امریکا قوشمه ایالتلری نینگ سوریه دن چیقیش قراری بیلن تیگیشلی 24 دسامبرده بیرگن بیاناتیده "جمهور باشلیغی رجب طیب ایردوغان و امریکا قوشمه ایالتلری دولت باشلیغی دونالد ترامپ نینگ بو موضوع بیلن تیگیشلی ریجه نینگ تیگیزلیکده عملگه آشیریلیشی توغریسیده کیلیشیب آلگن لیکلرینی" بیلدیرگن ایدی.

انقره ده گی اوچره شوولرده، امریکا قوشمه ایالتلری نینگ سوریه دن چیقیش قراری نینگ عسکری مصلحتی عملگه آشیریلیب عین دمده عسکری و استخباراتی چاره - تدبیرلریگه تماس قیلینیشی نظرده توتیلگن.  

ملاقاتلرده تورکیه تامانی نینگ تورکیه نینگ ملی خوفسیزلیگی گه خطر تشکیل ایتگن بولووچی ترور تشکیلاتلری داعش و YPG/PKK گه قره ته آلیب باریلگن کوره ش قاله ویرسه سوریه نینگ تمامیت ارضی نینگ تامین ایتیلیشی نینگ اهمیتی اوغولنه جگی تخمین ایتیلماقده.