تورکیه تشقی ایشلر وزیری: حدود خوفسیزلیگی اوچون کوره ش دوام ایتماقده

تشقی ایشلر وزیری مولود چاووش اوغلی، بولووچی ترور تشکیلاتی YPG/PKK گه قرشی کوره ش نینگ آخرگچه دوام ایته جگینی بیلدیردی.

چاووش اوغلی، تورکیه بویوک ملت مجلسیده بودجه موضوعسی بوییچه گپیردی.

سوریه چیگره حدودیده یوز بیرگن حادثه لرگه تماس قیلگن چاووش اوغلی جنابلری،

" YPG/PKK و داعش تورکیه گه تهدید ایجاد ایتماقده. شو اوچون حدودیمیزنینگ تشقریسیده گی ترور تشکیلاتلرینی برطرف ایتیش گه مجبورمیز" دیدی.

منبج نقشه سی نینگ موفقانه بیر شکلده عملی قیلیش و فرات دریاسی نینگ شرقی گه هم تیزلیکده باریش اوچون امریکا قوشمه ایالتلری بیلن اوچره شوولرنینگ دوام ایتیب تورگن لیگینی اورغوله گن چاووش اوغلی،

"منبچ پلانی نینگ هم کیلگوسی کونلرده نهائی بولیشی گه ایشانه میز" دیب گپیردی.

چاووش اوغلی ترورچیلیک که قرشی قاطعانه کوره ش بوییچه پیامینی تاکییدله دی و فتح الله چی ترور تشکیلاتی منسوبلری نینگ یشینگن مملکتلردن تورکیه گه کیلتیریلیش لری اوچون فعالیت قیلیب تورگن لیکلرینی بیلدیردی.

مولود چاووش اوغلی، "اروپا بیرلیگی توغریسیده تماس قیلدی. اروپا بیرلیگی بیز اوچون حلی هم ستراتیژیک بیر نقطه دیر. بیراق بیز ناراحت بولگن وضعیتلرنی هم ایتیب تورگن میز" دیب افاده ایتدی.  

چاووش اوغلی جنابلری "ویزه ایرکین لیگینی قولگه کیریتیشیمیز ضرور. بو بیزنینگ وطنداشیمیزنینگ حقی دیر. گمرک بیرلیگی نینگ هم تیزلیکده ینگی لنیشی ضرور" دیدی.

2 اکتوبرده سعودی عربستان نینگ استانبول باش قونسلخانه سیده اولدیریلگن سعودی ژورنالیست جمال قاشیقچی جنایتی بیلن تیگیشلی اوله راق بو جنایت نینگ انیقلنیشی اوچون فعالیت قیلیب تورگن لیکلرینی بیلدیردی.