دنیاده تورک تیلی گه قیزیقیش کونساین آرتیب بارماقده

تورکیه جمهوریتی نینگ تورک تیلی اداره سی باشلیغی پروفیسر داکتر گورار گُلسیوین, تورک تیلی نینگ ایندی تورک سریال لری بیلن دنیاده کینگ قولاچ یاییب کیتگن لیگی نی معلوم قیلدی. 

گُلسیوین, ایندی تورک تیلی نی اورگه نیش گه انتیلیاتگن کیشی لر سانی نینگ کونساین آرتیب باریاتگن لیگی نی بیلدیردی. 

گُلسیوین, تورکیه نینگ انتالیا ولایتیده بولیب اوتگن بیر کنفرانسده بیرگن بیاناتیده, دنیا ده انسان لرنینگ قیزیقیاتگن تیل لردن بیری نینگ تورک تیلی دن عبارت ایکن لیگی گه دقت قره تدی.

کوپلب اولکه لرده تورک تیلی نی اورگه نیش مرکزلری نینگ موجود ایکن لیگی نی بیلدیرگن گُلسیوین, "تورک سریال لری نینگ دنیا نینگ فرقلی جایلریگه ساتیلیاتگن لیگی سببلی تورک تیلی گه قیزیقیش کونساین آرتیب بارماقده" دییه قید ایتدی. 

گُلسیوین, اورته آسیا, اورته شرق, بالکان لر و باشقه کوپلب جایلرده تورک سریال لریگه قیزیقیش نینگ جوده کتته ایکن لیگی نی بیلدیردی. 

عینی دمده گُلسیوین, دنیاده امریکا سینما سی آرتیدن تورک سریال لری نینگ ایککینچی اورین نی ایگلله گن لیگی نی معلوم قیلدی.