تورکیه ده ایچکی خوفسیزلیک دایره سیده عملیات اویوشتیریلدی

سونگی بیر هفته دوامیده ایچکی خوفسیزلیک عملیاتلریده 11 تروریست جنگریسی تاثیرسیز وضعیت گه کیلتیریلدی.

ایچکی ایشلر وزیرلیگیدن بیریلگن بیاناتگه کوره، ترورچیلرگه قرشی کوره ش چوکاتیده خوفسیزلیک کوچلری تامانیدن 11-19 نوامبر تاریخلری اره سیده 2 مینگ 449 عملیات اویوشتیریلگن.

مذکور عملیاتلرده بولووچی ترور تشکیلاتی پی کاکا بیلن ارتباطی بولمیش 153، فتح الله چی ترور تشکیلاتی بیلن ارتباطی بولمیش 486، ترور تشکیلاتی داعش بیلن ارتباطی بولمیش 49 و چپگرا ترور تشکیلاتلری بیلن ارتباطی بولگن 14 کیشی قولگه آلینگن لیگی بیلدیریلدی.

قاچاق مهاجرلرگه قرشی کوره ش دایره سیده 5 مینگ 313 قاچقین اوشلنگن و سایبر جرملرگه قرشی کوره ش چوکاتیده 280 کیشی اوچون قانونی پروسه تعقیب قیلینگن.