اردوغان ترامپ بیلن اوچره شدی
اوشبو اوچره شوو تلفن آرقه لی بولیب اوتدی
تورکیه جمهوریتی جمهوررئیسی رجب طیب اردوغان تلفن آرقه لی امریکا قوشمه ایالتلری دولت رهبری دونالد ترامپ بیلن اوچره شدی.
اوشبو اوچره شوو جریانیده ایککی تامانلمه علاقه لر ، سعودی عربستان لیک ژورنالیست جمال قاشقچی قضیه سی، امریکا قوشمه ایالتلریده ترور تشکیلاتی فتو بیلن آلیب باریلیاتگن تیکشیرو لر و سوریه ده تروریزم گه قرشی کوره ش کبی موضوع لر توغریسیده بحث قیلیندی.
جمهوررئیسی اردوغان کالیفورنیا ایالتیده یوز بیرگن یانغین حادثه سی عاقبتیده کوپلب کیشی نینگ جان بیرگن لیگی سببلی تسلیت بیلدیردی.
جمال قاشقچی قضیه سی نینگ آیدینله تیلیشی کیره ک ایکن لیگی نی بیلدیرگن رهبر لر، برچه ترور تشکیلاتلری گه قرشی کوره ش بوییچه تورکیه بیلن امریکا اورته سیده گی همکارلیک نینگ اهمیتی گه دقت قره تدی.
ایککی رهبر سوریه نینگ منبج منطقه سیده تورکیه و امریکا کوچلری نینگ اورتاق گزمه قیلیاتگن لیگی سببلی خرسندچیلیک بیلدیردی.
اردوغان امریکا نینگ ترور تشکیلاتی پی کا کا نینگ سوریه ده گی قسمی بیلن همکارلیک قیلمس لیگی نی طلب قیلدی.
ایککی رهبر تورکیه بیلن امریکا اورته سیده برچه ساحه لر بوییچه هکتارلیک نینگ آرتیریلیشی کیره ک ایکن لیگی نی بیلدیردی.
علاقه لی ینگی لیکلر
تورکیه تامانیدن افغانستان ده بیر کتابخانه نینگ پایدیواری قوییلدی
تورکیه تامانیدن افغانستان نینگ بامیان ولایتیده بیر کتابخانه قوریلیشیدن خبیر بیریلدی
تورکیه جمهور باشلیغی ایردوغان استانبول نینگ فتحی مناسبتی بیلن پیام ترقه تدی
استانبول نینگ فتح ایتیب آلینیشی نینگ 571 – ییل لیگی نشانلنماقده