اوکراین جمهور باشلیغی تورکیه گه سفر اویوشتیره دی

اوکراین دولت باشلیغی پترو پروشنکو، تورکیه – اوکراین یوکسک سویه لی ستراتیژیک کینگشی نینگ جلسه سیگه قتنه شیش اوچون تورکیه گه کیله دی.

تورکیه جمهور باشلیغی رجب طیب ایردوغان و اوکراین دولت باشلیغی پترو پروشنکو باشچیلیگیده گی تورکیه – اوکراین یوکسک سویه لی ستراتیژیک کینگشی نینگ 7 - جلسه سی 3 نوامبر شنبه کونی استانبولده اویوشتیریله دی.

جمهور رئیس لیک مطبوعات مرکزیدن بیریلگن خبرگه کوره، ایردوفان و پروشنکونینگ باشچیلیک لریده اوتکزیله دیگن جلسه گه ایککی مملکت نینگ تیگیشلی وزیرلری هم اشتراک ایته دیلر.

اوشبو جلسه ده تورکیه بیلن اوکراین اورته سیده گی مناسبت هر تامانلمه قولگه آلینده دی. ایککی اولکه اورته سیده گی ستراتیژیک شریک لیک مناسبتی نینگ منطقه نینگ تینچ لیک، استقرار و رفاهی گه  حصه قوشیشی نقطه نظردن ایریم امکانیتلردن فایده لنیشی و بو توغریده آلیب باریله دیگن اوزارا کیلیشوولرگه قول قوییلیشی نظرگه توتیلگن.