امریکا قوشمه ایالتلری مرکزی استخبارات تشکیلاتی CIA نینگ باشلیغی تورکیه گه تشریف بیوره دی

امریکا قوشمه ایالتلری مرکزی استخبارات تشکیلاتی CIA نینگ باشلیغی گینا هسپل، سعودی عربستان باش قونسلخانه سیده اولدیریلگن واشنگتن پوست روزنامه سی نینگ سعودی لیک ژورنالیست یازووچیسی جمال خاشیقجی مسئله سی بوییچه اوچره شوولر عملگه آشیریش اوچون تورکیه گه تشریف بیوره دی

امریکا قوشمه ایالتلری میدیاسی تامانیدن آتی بیریلمه ی نشر قیلینگن منبع نینگ خبرلریگه کوره، هسپل تورکیه ده خاشیقجی مسئله سی بوییچه بیر قطار اوچره شوولر عملگه آشیره دی.

سعودی عربستان اداره سی 2 اکتوبر کونی استانبول باش قونسلخانه سیگه باریب کیرگندن کیین لادرک بولگن خاشیقجی نینگ "قونسلخانه بناسیده یوز بیرگن جنجال عاقبتیده اولگن لیگینی " بیان ایتگن ایدی.

 سعودی عربستان نینگ رسمی خبر آژانسی بولمیش SPA ده اورین آلگن خبرده، سعودی عربستان باش قاره لاوچی لیگی تامانیدن آلیب باریلگن تیکشیروو نتیجه سیده جمال خاشیقجی نینگ استانبول باش قونسلخانه سیگه باریب کیرگندن کیین بو جایده گی ایریم سعودی لیک بیر قطار کیشی بیلن تارتیشوو یوز بیرگن لیگی و بو تارتیشوونینگ جنجالگه ایلنیب کیتگن لیگی و بونینگ عاقبتیده خاشیقجی نینگ حیاتینی یوقه تگن لیگی ادعا ایتیلگن ایدی.