ایردوغان بیر عالی اوقوو یورتی نینگ تحصیلی ییل مراسمی گه اشتراک ایتدی
بو جایده صحبت عملگه آشیردی
جمهور باشلیغی رجب طیب ایردوغان، تورکیه نینگ اوز خوفسیزلیگی اوچون آلیب بارگن حدوددن تشقری عملیاتلر قاله ویرسه انسانی یانداشووی بیلن دنیانینگ تقدیر و آلقیشینی قولگه کیریتگن لیگینی ایتدی.
ایردوغان ازمیرده دوقوز ایلول عالی اوقوو یورتی نینگ تحصیلی ییل آچیلیش مراسمی گه اشتراک ایتیب گپیردی.
سوریه گه تماس قیلیب "سوریه ده تینچ لیک برقرار بولگن بولسه بونگه تورکیه نینگ کتته حصه سی باردیر" دیدی.
تورکیه نینگ ترورچیلیک که قرشی کتته موفقیت قولگه کیریتگن لیگینی اورغوله گن ایردوغان،
"بوگون عراق، سوریه، اروپا، اورته آسیا قاله ویرسه دنیانینگ هر جاییده تروریستلرگه حیاتنی زندان قیلگن میز. غارلریگه باریب کیره میز دیدیک و باریب کیردیک" دیدی.
ایردوغان جنابلری "هیچ کیم علاقه تاپمه گن سوریه ده حیات جانلی بولیب تورگن بولسه بونگه تورکیه نینگ کتته حصه سی باردیر" دیب؛
"عفرین، ادلب، الجرابلس هم شونقه دیر. بیز بولمه گنده بو انسانلر بلکه بولمس ایدی" دیدی.
ایردوغان اسعارنینگ بازاری و اقتصاد قیینچیلیکلریگه هم تامس قیلدی.
"سونگی کونلرده اسعارنینگ بازاری یوقاری کیتدی و سود هم یوقاری کیتدی انفلاسیون یوقاری کیتدی دیب بعضی بیرته لر بوندن استفاده قیلیش گه باشله دی. بیزینه هدفیمیزنی مقصد قیلیب چاره – تدبیرلرنی آلیب یولیمیزگه دوام ایتدیک. جاری کم چیلیکنی هم برطرف ایتیش اوچون آدیم – آدیم حرکت قیلماقده میز. بیز سالم حرکت قیلگنده فرصت طلبلر ناکام بوله دی" دیب ایتدی.
علاقه لی ینگی لیکلر
استانبول هوا قونلغه سی اروپاده بیرینچی بولدی
استانبول هوا قونلغه سی کونده لیک مینگلب اوچیش بیلن اروپاده بیرینچی بولدی
ایردوغان بیلن مخبر اوزارا سوزلشوو اوتکزدی
تورکیه جمهور باشلیغی ایردوغان بیلن ایران جمهور باشلیغی اورینباسری مخبر اوزارا سوزلشوو اوتکزدی