تورکیه جمهور باشلیغی ایردوغان امریکاده بیر قطار دولت رهبرلری بیلن اوچره شوو اوتکزدی

جمهور باشلیغی رجب طیب ایردوغان، بیرلشگن ملتلر تشکیلاتی کینگشی اوچون بارگن امریکا قوشمه ایالتلری نینگ نیورک شهریده، امریکا قوشمه ایالتلری دولت باشلیغی دونالد ترامپ بیلن اوچره شدی.

جمهور رئیس لیک معلومات باشلیغی فخرالدین آلتون اوز تویتر آدرسی آرقه لی بیرگن معلوماتگه کوره، "ایردوغان کینگره ده گپیرمسدن آلدین ترامپ بیلن قیسقه بیر صحبت عملگه آشیرگن".

ایردوغان کنگره ده قیلگن صحبتی نینگ آرتیدن ایسه، فرانسه جمهور باشلیغی ایمانوئیل مکرون، سلونیا جمهور باشلیغی بور پهور، موزمبیک دولت باشلیغی فلیپ یکینتو نیوسی، انگلستان باش وزیری ترزا می و یونان باش وزیری آلمسیز چیپراس بیلن اوچره شوولر اوتکزگن.

خوددی شو یوزمه یوز ملاقاتلر مطبوعاتگه یاپیق روشده بولیب اوتگن.