تورکیه، امریکا قوشمه ایالتلری آلگن قرارنی محکوم ایتدی

تورکیه، امریکا قوشمه ایالتلری تامانیدن تورکیه ایچکی ایشلر وزیری و عدلیه وزیری گه قره ته چیکلاوی عملی قیلیش قراری آلینگن لیگی گه جواب بیردی. ایلک اوله راق تشقی ایشلر وزیرلیگی امریکا قوشمه ایالتلری نینگ بو قراریدن واز کیچیش گه چقیریب یازمه بیانات ترقتدی.

مذکور بیاناتده؛

"هیچ نرسه گه فایده سی بولمه گن بو نامعقول هجومچی یانداشووگه قرشی کیچ قالمه ی تیزلیکده جواب بیریله دی" دیب ایتیلگن.

دولت جدیتی گه ماس بولمه گن قرارنینگ عدالت اصطلاحی بیلن اظهار ایتیلیشی نینگ ممکن ایمس ایکن لیگی اورغولنگن.

تشقی ایشلر وزیری مولود چاووش اوغلی هم،

"امریکا قوشمه ایالتلری نینگ تحریم قراریگه جواب بیریله دی" دیدی.

جنوب – شرق آسیا ملتلر بیرلیگی ASEAN نینگ جلسه سی اوچون سنگاپورگه بارگن چاووش اوغلی تویتر آدرسی آرقه لی پیام ترقتدی.

"امریکا قوشمه ایالتلری حقوقده اورنی بولمه گن طلبلری نینگ بو یوللر آرقه لی عملی بولمس لیگینی درک ایتمه گن تقدیرده مسئله لریمیزگه ییچیم تاپالمه یمیز" دیدی.

آق اوی سوزچیسی ساره سندرس، تورکیه ده محکوم ایتیلگن امریکالیک راحب اندریو برونسوننی اوی حبسی گه محکوم ایتیلیشی باعث، تورکیه ایچکی ایشلر وزیری بیلن عدلیه وزیری گه قرشی چیکلاو عملی قیله جکلرینی ایتگن ایدی.

سندرس، برونسون نینگ 2016 – ییلی قولگه آلینیب اوتگن آی ایسه اوی حبسی گه محکوم ایتیلیشی نینگ "قبول قیلینمس" حادثه ایکنینی ایتگن ایدی.

ترور تشکیلاتلری FETÖ/PDY و پی کاکا اوچون جرم قیلگن لیگی، جاسوس لیک قیلگن لیگی ادعاسی بیلن 35 ییل محکوم ایتیلیشی خواهلنگن راحب برونسون نینگ ساغلیق وضعیتی کوزگه توتیلیب اوی حبسی گه بیریلیشی نینگ آرتیدن الکترونیک زولانه قیلینیب اوییده توتیلماقده دیر.