امریکالیک مهم بیر جنرال تورکیه گه تشریف بیوره دی

امریکا قوشمه ایالتلری اروپا کوچلری و ناتو متفق کوچلر حرکات قومندانی ستر جنرال کورتیس اسکاپارروتی، تورکیه گه کیلیب سوریه توغریسیده اوچره شوولر اوتکزه دی.

ستر جنرال اسکاپارروتی ، ایرته گه (1 اگست چهارشنبه) پایتخت انقره ده تورکیه لیک اداره چیلر بیلن اوچره شه دی.

خوددی شو ملاقاتلرده کوپراق سوریه نینگ شمالیده گی ینگی لیکلر اصل موضوعنی تشکیل ایتماقده.

اسکاپارروتی، 2 – اگست پنج شنبه کونی ایسه آداناده گی انجیرلیک قونلغه سینی باریب کوره دی و اوجایدن ازمیرگه اوته دی.

امریکالیک جنرال، آخرین مرته 27 – جونده او وقت نینگ قوراللی کوچلر قومندانی حاضرگی ملی مدافعه وزیری خلوصی اقر بیلن تیلفون آرقه لی صحبت عملگه آشیرگن ایدی.

مذکور ملاقاتده، سوریه نینگ شمال تامانیده گی موجود خوفسیزلیک وضعیت بیلن آلدیندن کیلیشیلگن "منبیج یول نقشه سی" توغریسیده گپیریلگن خوفسیزلیک اساسلری نینگ قولگه آلینگن لیگی و عین دمده ناتو بیلن تیگیشلی بعضی بیر موضوعلرنینگ مطرح بولگن لیگی ایتیلگن ایدی.