تورکیه تشقی ایشلر وزیری ، امریکا لیک تینگداشی بیلن اوچره شیش اوچون واشنگتن گه تشریف بیوردی

تورکیه تشقی ایشلر وزیری مولود چاووش اوغلی، سوریه نینگ منبیچ منطقه سی موضوعسی بوییچه امریکالیک کسبداشی مایک پمپئیو بیلن اوچره شیشی نینگ امریکا قوشمه ایالتلری بیلن بولگن مناسبتلری توغریسیده انچه اهمیت کسب ایتگنینی ایتدی.

مولود چاووش اوغلی، امریکا لیک تینگداشی بیلن اوچره شیش اوچون واشنگتن گه باردی. بو جایده تورکیه – امریکا ملی یول آلیش کمیته سی تامانیدن اویوشتیریلگن افطاریه گه اشتراک ایتدی.

چاووش اوغلی؛

"فرات دریاسی نینگ شرق تامانیده منبیچ توغریسیده ایککی وزیر اوله راق تایید ایتگن نرسه نی عملی قیله میز. بو اوز ارا مناسبتده انچه اهمیت کسب ایته دی" دیب ایتدی.

چاووش اوغلی F-35 لر توغریسیده ایسه امریکا قوشمه ایالتلری کنگره سیده تورکیه گه مخالف بیر یانداشوو موجود ایکن لیگینی گه اشاره قیلیب؛   

"S-400 لر توغریسیده هم امریکا قوشمه ایالتلری بیلن اورته میزده بیر بحران یوز بیرگن وضعیتده دیر. بیراق بیز بو تیزیملرنی اولاً امریکا قوشمه ایالتلری و متفقلریمیزدن آلماقچی بولدیک. لیکن ساتمه دیلر. اوندن کیین روسیه دن آلیش گه مجبور بولیب قالدیک. اگر امریکا بیزگه ساتماقچی بولسه متفقلریمیزدن هم آلیشیمیز ممکن" دیب ایتدی.

تورکیه بیلن امریکا قوشمه ایالتلری اورته سیده گی اساسی مسئله نینگ امریکا تامانیدن ترور تشکیلاتی PKK/PYD' گه بیریلگن همکارلیک ایکن لیگینی ایتگن چاووش اوغلی،

"بیز سوریه ده سیاسی ییچیم اوچون فعالیت آلیب بارماقده میز. سوریه نی بولووچی برچه فعالیتلرنی رد ایته میز. آستانه، سوچی و ژنو جریانلری بیلن سوریه ده بیر سیاسی ییچیم اوچون فعال بیر تامان اوله راق فعالیت قیلیب تورگن میز" دیدی.

چاووش اوغلی بیت المقدس موضوعسی بیلن تیگیشلی ؛

"تورکیه اوله راق بیت المقدس نی اصلاً یالغیز قویمه یمیز" دیب ایتدی.