ایردوغان تورکیه رادیو تلویزیونی (TRT) گه کون ترتیبی موضوعلری بیلن تیگیشلی بیانات بیردی

تورکیه جمهور باشلیغی رجب طیب ایردوغان، سوریه نینگ منبیچ منطقه سیده جایلشتیریلگن فرانسه لیک عسکرلر بیلن علاقه لی اوله راق فرانسه جمهور باشلیغی امانوئل مکرون تامانیدن اوزی بیلن تیلفون آرقه لی کوریشیش طلبی ییتیب کیلگنینی ایتدی.

رجب طیب ایردوغان تورکیه رادیو تلویزیونی (TRT) گه کون ترتیبینی بهالندیریب، سواللرگه جواب قیتردی.

ایردوغان، امریکا قوشمه ایالتلری بیلن مناسبت و فرانسه عسکرلری نینگ منبیچده موجودیتی بیلن تیگیشلی سوالگه جواب اوله راق، فرانسه جمهور باشلیغی امانوئل مکرون تامانیدن اوزی بیلن تیلفون آرقه لی کوریشیش طلبی ییتیب کیلگنینی ایتدی.

جمهور رئیس ایردوغان،

"بوگون ویا ایرته گه بیر تیلفونی ملاقات اوتکزه میز. امریکا قوشمه ایالتلری بیلن بوکبی حادثه لر بعضی بیر پیت یوز بیره دی. لیکن شو وقت سیلاو فعالیتلری بولگن لیگی اوچون تیلفونی اوچره شوولر کیسیلگن بولیشی ممکن. بیراق آنیدن اوچره شیش امکانیتی هم بار" دیب ایتدی.

امریکا قوشمه ایالتلری نینگ بویوک ایلچی لیگینی تل ابیبدن بیت المقدس گه کوچیرگنی و اسرائیل تامانیدن غزه ده آلیب باریلگن قیرغین حادثه سی مطرح قیلیندی.

ایردوغان جنابلری شو جوابنی بیردی:

"امریکا بیلن اسرائیل آلگن بو قرار توقنه شووگه ارزیه دیگن مهم قرار ایمس. امریکا اوز اعتبارینی قولدن بیرگن دیر. شونده ی بولیب، بیرلشگن ملتلر تشکیلاتیده بیز و یمن تامانیدن آتیلگن آدیم بیلن تیگیشلی رای گیرلیک نتیجه سیده 128 اولکه "رد" 9 اولکه کی اونینگ ایککی ته سی امریکا بیلن اسرائیل ایریملری ایسه قصبه کبی دولتلر اولرنینگ یانیده بولیب توردیلر. دیمک دنیاده بولرنی قبول قیله دیگن یوق. پولیم کوچیم بار بناً کوزینگیزنی قورقیته من. هر نرسه نی قیلدیره من. هه بونقه نرسه نی قیلدیرالمه یسن. هیچ کیم سینگه قولاق سالمه دی. کیلیب بویوک ایلچی لیکنی اوجایگه کوچیرگن سن. کوچیرسنگ نیمه بوله دی. یعنی فلسطین نینگ پایتختی بیت المقدس دیر. بونی همه بیله دی. بو توغریده تردید یوق. سین قبول قیله سن، قیلمه یسن، اوزینگ بیله سن لیکن فلسطین نینگ پایتختی بیت المقدس دیر."