تورکیه ده آلتی افغانستانلیک نینگ جنازه سی توپراققه تاپشیریلدی

تورکیه نینگ قیرشهر ولایتیده 6 نفر افغانستانلیک نینگ جنازه سی توپراققه گه تاپشیریلدی. 

خوددی منه شوو کیشی لر بیش کون آلدین تورکیه نینگ چَنَق قلعه ولایتی آیواجیک اولسواللیگیدن ناقانونی روشده یونان نینگ میدیللی ارالی گه اوتیش گه حرکت ایتیاتگن پیتده کیمه لری نینگ باتیب کیتیشی عاقبتیده جان بیرگن ایدی. 

حادثه عاقبتیده جان بیرگن اوشبو افغانستان وطنداش لری نینگ وفات ایتمسدن آلدین تورکیه نینگ قیرشهر ولایتیده یشه گن لیک لری انیقلندی.

شوباعث ایککی کون آلدین جنازه لر آیواجیکدن قیر شهر ولایتی گه کیتیریلدی. 

توناوکون ایسه جنازه نمازی آرتیدن رحمت الله جبارخیل (39), عبدالجلال غنی زاده (8), فردوس حسنی (16), سوما جبارخیل (17), خدیجه غنی زاده (55) و محمد مصور غنی زاده (5) نینگ جنازه لری باغباشی قبرستانیده توپراققه تاپشیریلدی.