ایردوغان، امریکا بیلن اسرائیل نینگ زوروان لیگی گه ناراضی چیلک کورستدی

جمهور باشلیغی رجب طیب ایردوغان، خلق ارا جمعیتنی اسرائیل نینگ نامعقول حمله لری نینگ نهائی قیلیشی اوچون تیزلیکده حرکت گه اوتیش گه چقیردی.

ایردوغان رسمی سفر آرقه لی بارگن انگلستان نینگ پایتختی لندنده فکری اویوشمه بولمیش Chatham House ده اشتراکچیلرگه خطاباً گپیردی.

ایردوغان، امریکا قوشمه ایالتلری نینگ برچه اعتراض لرگه قره مه ی تال ابیب بویوک ایلچی لیگینی بیت المقدس گه انتقال بیریشی گه نراراضی چیلیک کورستدی.

"خلق ارا قانوننی پایمال قیلگن، بیرلشگن ملتلر تشکیلاتی قراریگه ماس بولمه گن بو قراری یینه بیر مرته رد ایته میز. امریکا قوشمه ایالتلری سونگی آدیمی بیلن ییچیم نینگ ایمس، اونینگ عکسینچه بحران نینگ بیر پارچه سی بولیشنی تنلب اورته شرقده گی تینچ جریانیده حصه قوشیش فرصتینی قولدن بیرگن دیر. خلق ارا جمعیت نینگ تیزلیکده مسؤلیتینی ادا قیلیب، اسرائیل نینگ نامعقول حمله لری و فلسطین خلقی گه قره ته اخلال و اشغاللری نینگ نهائی قیلیشی اوچون تیزلیکده حرکت گه اوتیش کیره ک دیر" دیب ایتدی.

ایردوغان جنابلری؛

"ایچکی انتقام اوچون اوچ آسمانی دین نینگ مقدس مکانی بولمیش بیت المقدس جایگاهی گه اوزگریش کیلتیریش گه قره ته آلیب باریلگن فعالیتلر برچه اعتراضلرگه قره مه ی عملی قیلینماقده. بیز برچه بشریت گه تحمیل قیلینگن بو فعالیت گه اعتراض بیلدیره میز. اوزیمیزنی 2 – دنیا حربیدن الدینگی قاره کونلرده کبی حس ایتماقده میز. بیرلشگن ملتلر تشکیلاتی اگر عدالت اوستیده ایجاد ایتیلگن بولسه مسؤلیتینی ادا قیلیب، بونگه مانع بولیشی کیره ک. دنیانینگ پایه سی چیققن بولسه اونی جاییگه قویه دیگن چکوچ ضربه سی ایمس، اونی جاییگه قویه دیگن امید و دیالوگ دیر، دیب ایتدی.