تورکیه ناتو نینگ اینگ مهم عضوی دن عبارت

ناتو عمومی سکرتری ینس استولتنبرگ, تورکیه نینگ ناتو جهتی دن اینگ مهم اولکه دن عبارت ایکن لیگی نی بیلدیردی. 

"تورکیه نینگ اهمیتی نی درک ایتیش اوچون نقشه گه قره ش نینگ اوزی ییترلیک" دییه قید ایتگن استولتنبرگ, ناتو اعضا لری نی تهدید ایتیاتگن خشونت نینگ دوام ایتیاتگن عراق و سوریه بیلن قوشنی بولگن تورکیه نینگ اهمیتی گه دقت قره تدی. 

استولتنبرگ, تورکیه نینگ ترور تشکیلاتی داعش نینگ مغلوبیت گه اوچره تیلیشی اوچون تشکیل ایتیلگن خلق ارا ائتلاف نینگ اساسی نی تشکیل ایتگن لیگی نی بیلدیررایکن, "تورکیه گه منتدارچیلیک بیلدیره میز" دییه قید ایتدی.

عینی دمده استولتنبرگ, تورکیه نینگ میلادی 2016 نچی ییلی جولای آیی نینگ 15 نچی کونیده بولگن جدی و وحشی کودتا تشبثی فاعل لری نی حقوق دایره سیده تیکشیریش حقیگه ایگه ایکن لیگی نی ایسله تیب اوتدی. 

تورکیه نینگ تروریزم دن اینگ کوپ ضرر کورگن ناتو اعضاسی اولکه دن عبارت ایکن لیگی نی بیلدیرگن استولتنبرگ, "تورکیه البته که اوزی نی مدافعه ایتیش حقی گه ایگه" دییه قید ایتدی. 

ناتو عمومی سکرتری, "تورکیه بیر نیچه ییل مابینیده یوقاری تیارگرلیگی بولگن اورتاق کوچ نی باشقره دی و ناتو ایچیده کلیدی رول گه ایگه بوله دی.  البته که اوشبو مطلب نی باشقه ناتو اعضا لری هم بیله دی" دییه قید ایتدی.