تورکیه ده افغانستانلیک چقه لاق امبولانس هلیکوپتر بیلن کسلخانه گه ییتیشتیریلدی

تورکیه نینگ زونگولداغ ولایتیده نفس آلیش قیین چیلیک لری بولگن افغانستانلیک چقه لاق, امبولانس هلیکوپتر بیلن پایتخت انقره ده گی باله لر کسلخانه سی گه انتقال ایتتیریلدی. 

زونگولداغ ولایتی نسایی ولادی و باله لر کسلخانه سیده بیر نیچه ساعت آلدین دنیا گه کیلگن افغانستانلیک سکینه و عبدالرحمن تاجیک عایله سی نینگ ایرکک چقه لاغی نینگ, نفس آلیش قیین چیلیکلری گه دوچ کیلیب قالگن لیگی انیقلندی.

شاشیلینچ روشده انقره گه ییتیشتیریلیشی اوچون تورکیه جمهوریتی ساغلیق نی سقلش وزیرلیگی دن امبولانس هلیکوپتر طلب ایتیلدی. 

هلیکوپتر باریب بیر یولگه قوندی.  چقه لاق ایسه خودی منه شوو ییر نینگ اوزیده هلیکوپترگه میندیریلیب انقره ده گی دوکتور سامع اولوس نسایی ولادی و باله لر کسلخانه سیگه انتقال ایتتیریلدی.