تورکیه ده کوپلب افغانستانلیک قاچقین جان بیردی

تورکیه نینگ ایغدیر ولایتیده افغانستانلیک و پاکستانلیک قاچقین لر نی تاشیاتگن بس نینگ برق پایه سی بیلن تصادم قیلیب یانیب کیتیشی عاقبتیده 17 کیشی جان بیررایکن, 38 نفر ایسه یره لندی. 

برق پایه سی بیلن تصادم قیلگن خودی منه شوو بس نینگ ایچیده گی قاچقین لر یولگه توشگن.  اوشبو یولگه توشگن قاچقین لر نی ایسه یولدن اوتیاتگن باشقه بیر بس اوریب کیتگن. 

قاچقین لرنی تاشیاتگن بس نینگ ایچیده 50 کیشی نینگ موجود ایکن لیگی بیلدیریلماقده. 

حادثه محللی گه قوتقرو تیم لری, پولیس کوچلری و اطفائیه ییتیب باردی.  یانگن موتر اطفائیه تامانیدن اوچیریلرایکن, یره لنگن قاچقین لر ایسه کسلخانه گه انتقال ایتتیریلدی. خودی منه شوو یره لنگن کیشی لر آره سیدن 8 نفری عملیات قیلیندی. 

قاچیب کیتگن بس هیداوچیسی پولیس تامانیدن اوشلب آلینرایکن, حادثه بیلن علاقه لی تیکشیرو لر دوام ایتماقده.