تورکیه باش وزیری اوز حزبی نینگ بویوک ملت مجلسیده گی گروپ جلسه سیده گپیردی

باش وزیر بن علی ییلدیریم، ورنه جلسه سیده اروپا بیرلیگی نینگ تورکیه گه قره ته یانداشووی نینگ عدالتلی بیر زمینه ایجاد ایتیشی بیلن علاقه لی بیر اشاره کورمه گنلرینی ایتدی.

باش وزیری و عدالت توسعه حزبی سرپرستی بن علی ییلدیریم، اوز حزبی نینگ تورکیه بویوک ملت مجلیسیده گی جلسه سیده گپیردی.

ییلدیریم، تناون بلغاریانینگ ورنه شهریده بولیب اوتگن تورکیه – اروپا بیرلیگی جلسه سیگه تماس ایتدی.

تورکیه نینگ اروپا بیرلیگی گه قرشی برچه تعهدلرینی بجا کیلتیرگنینی اورغولب، تورکیه بیلن بیرلیک اورته سیده گی معمالرنینگ اروپا بیرلیگی تامانیدن ایجاد ایتیلگن سیاسی توسقینلر ایکنینی ایتدی.

ییلدیریم، اروپا بیرلیگی تامانیدن یراتیلگن معمالر باعث ایشانچ نینگ کم بولیب کیتگنینی افاده ایتدی.

تورکیه نینگ سوریه و عراقده گی ایچکی بحران باعث یوز بیرگن مهاجر آقینی توغریسیده 2016 – ییلی 18 – مارچده اروپا بیرلیگی بیلن کیلیشووگه قول قوییلگن لیگینی بیراق تورکیه نینگ مسؤلیتینی ادا قیلیب، اروپاگه قره ته مهاجر آقینی گه مانع بولگنینی بیراق اروپا بیرلیگی نینگ تورک تبعه لریگه قره ته ویزه ایرکین لیگی وعده سینی توتمه گن لیگینی ایسلتیب اوتدی.

ییلدیریم جنابلری، اروپا بیرلیگی نینگ مهاجرلرنینگ ضرورتلری اوچون 3،3 ملیارد یورولیک مادی همکارلیک توغریسیده هم انچه بروکراتیک قیین چیلیکلر و توسیق لر باعث ایلگری باریلمه گنینی ایتدی.

ییلدیریم، 2016 – ییلی 15 جولایده فتح الله چی ترور تشکیلاتی فتو تامانیدن آلیب باریلگن تونتروو تشبثی و اوندن کیینگی جریانده هم اروپا بیرلیگی نینگ تورکیه گه ییترلی درجه ده همکارلیک قیلمه گنینی عکسینچه تورکیه تامانیدن آلینگن تدبیرلرنی اروپا بیرلیگی اعضالیگی توغریسیده بهانه اوله راق کورستگنینی قید ایتدی.

باش وزیر بن علی ییلدیریم؛

باشقه تاماندن ایککی تامان نینگ هم منفعتی گه بولگن گمرک بیرلیگی قیته دن قوریش پروسه سی هم معناسیز بیر شکلده توخته تیب قوییلگن دیر. اولکه میزنینگ چیگره سی نینگ خوفسیزلیگینی تامین ایتیش، توپراقلریمیز اوستیده یشه گن پناهنده لرنینگ تینچ بیر شکلده اوی – جایلری مملکتلریگه قیتیب باریشلری اوچون بیز آلیب بارگن عملیاتلرده هم اروپا بیرلیگی نینگ انتقادلریگه دوچ کیلگن دیر" دیدی.

ییلدیریم جنابلری،

"منه شونقه بیر فضاده ورنه ده بیر جلسه اویوشتیریلدی. بیز برچه تامانلرگه بولگنیدیک اروپا بیرلیگی گه هم صمیمی و درست حرکت قیلدیک. حقیقتلرنی جمهور باشلیغیمیز رجب طیب ایردوغان مخاطب لریمیزنینگ یوزیگه یینه بیر مرته ایتیب بیردی. اسناد و معلوماتلرنی اولرگه تسلیم ایتدی. برچه شو حادثه لرگه بناً اروپا بیرلیگی نینگ تورکیه گه قره ته یانداشووی نینگ عدالتلی بیر زمینه ایجاد ایتیشی بیلن علاقه لی بیر اشاره کورمه دیک" دیب ایتدی.