تورکیه مینگلب ترورچی نی تاثیرسیز وضعیتگه کیلتیردی

تورکیه جمهوریتی جمهوررئیسی رجب طیب اردوغان تورکیه قوراللی کوچلری نینگ زیتون ناوده سی عملیاتی دایره سیده ۲۴۳۴ ترورچی نی تاثیر سیز وضعیتگه کیلتیرگن لیگینی معلوم قیلدی. 

جمهوررئیسی اردوغان اوشبو مطلب نی مالی جمهوررئیسی ابراهیم ابوبکر کیتا بیلن بولیب اوتگن یککه مه یککه اوچره شووی آرتیدن ترتیب له گن مشترک مطبوعاتی کنفرانسی جریانیده بیلدیردی. 

اردوغان، "ترور تشکیلات لری نی معلوم بیر دین یاکه ملیت گه باغلیق قیلیب کورسه ته دیگن تامانلر ترورچیلر نینگ کوچی نی آرتیرگن بوله دی" دییه قید ایتدی. 

اردوغان اوز سوز لرینی، "فقط گینه بیز نینگ اولکه میز نی تهدید ایتیاتگن ترور تشکیلاتلری ایمس، بلکه دنیا ده گی برچه ترورچیلر گه مخالف میز. القاعده، داعش و بوکو حرام کبی ترور تشکیلات لری مسلمان لرنی اولدیرماقده. اوشبو خصوصده اینیقسه غربی اولکه لرنینگ حساسیت کورسه تیشی نی کوتماقده میز" شکلیده دوام ایتتیردی. 

اردوغان مالی جمهوررئیسی بیلن بولگن اوچره شووی نینگ جوده فایده لی بولیب اوتگن لیگینی معلوم قیلدی. 

عینی دمده اردوغان فتح الله چی ترور تشکیلاتی گه قرشی کوره ش بوییچه تورکیه بیلن همکارلیک قیلگن لیگی اوچون کیتا گه منتدارچیلیک بیلدیردی. 

بوندن تشقری اردوغان مالی ده گی اوشبو ترور تشکیلاتی گه باغلیق مکتب لر نینگ تورکیه معارف وقفی گه تاپشیریلیشی نینگ مالی اولکه سی جهتیدن جوده فایده لی بوله دیگن لیگی نی بیلدیرگن لیگینی معلوم قیلدی. 

جمهوررئیسی اردوغان نینگ مالی گه قیلگن اوشبو سفری دایره سیده ایککی اولکه اورته سیده ۸ کیلیشوو امضالندی. 

اردوغان افریقا اولکه لریگه قیلگن سفری نینگ تکمیل بولیشی آرتیدن تورکیه گه قیتیب کیلدی.