بشریت وجدانی نینگ محاسبه مرکزی سوریه

ایریم پیت لرده بعضی قیین چیلیک لر دن درس آلینه دی.  کاشکی بونده ی قیین چیلیک لر بولمه سه ایدی و درس هم آلمه سه ایدیک دییشینگیز ممکن. 

اوشبو موضوع بیلن علاقه لی اینگ یخشی مثال نینگ سوریه مسئله سی دن عبارت ایکن لیگی کورینماقده.  عرب بهاری, باشقه اولکه لر گه بولگن لیگی دیک, سوریه  گه هم جدی تاثیر قالدیردی.  سوریه خلقی دیکتاتور رژیم گه قرشی عصیان قیلیش گه حرکت ایترایکن, باشقه دیکتاتور لر نینگ قیلگن لیگی دیک, سوریه رژیمی هم اوشبو عصیان نی کوچدن فایده له نیب توخته تیش گه حرکت ایتدی. 

اوروپا بیرلیگی نینگ ارزش لری بیهوده بولیب قالدی...

ایران نینگ عسکر لری بیلن اوروشگه اشتراک ایتگن لیگی, روسیه نینگ بشار الاسد رژیمی نی حمایه له گن لیگی و غربی اولکه لرنینگ بیر ییچیم یولی تاپه آلمه گن لیگی سببلی سوریه ده گی ایچکی اوروش لر چُقورله شیب کیتدی.  اوشبو اوروش عاقبتیده یوز مینگلب کیشی جان بیردی.  میلیونلب کیشی سوریه نی ترک ایتیش گه مجبور بولیب قالدی. 

اوروپا بیرلیگی اولکه لری, سوریه لیک مهاجر لرنینگ اوشبو اولکه لرگه ییتیب بارگونگه قدر تقریباً سوریه مسئله سی بیلن هیچ قیزیقمه دی.  مهاجر لرنینگ اوروپا بیرلیگی اولکه لری چیگره لری گه ییتیب باریشی آرتیدن غربی اولکه لرنینگ سوریه مسئله سی گه کورستگن عکس العملی هم حیرت گه سزاوار ایدی.  اکثریتچیلیک, بیرگه یشش, انسان حق لری, تینگلیک, ایرکین لیک و حیات حقی کبی کوپلب موضوع لر بوییچه باشقه لر نی تنقید قیلیاتگن اوروپا بیرلیگی اوروپا اولکه لری نینگ اکثریتی, اوشبو ارزش لر بوییچه ناکام قالدی.  شونده ی قیلیب قاچقین لرنینگ هم اوشبو ارزش لر گه ارزیدیگن لیگی حقیقتی ایسدن چیقاریلدی.  اوروپا بیرلیگی اولکه لری نینگ اکثریتی نینگ بیرته گینه هدفی خودی منه شوو سوریه لیک مهاجر لرنینگ کیلیش لری گه مانع بولیشدن عبارت بولیب قالدی.  شونده ی قیلیب دینگیزده غرق بولگن, سوریه لیک مهاجر باله آیلین کبی چاره سیز کیشی لر ایمس, بلکه اوروپا بیرلیگی نینگ ارزش لریدن عبارت بولدی. 

تورکیه: اوروپا دموکراسی سی گه حصه قوشگن اولکه...

سوریه لیک مهاجر لر بیلن علاقه لی لبنان, اردن و تورکیه نینگ هم اوروپا بیرلیگی اولکه لری کبی بیر سیاست آلیب بارگن لیگی و شونده ی قیلیب اوشبو مهاجر لر نی اوز بغری گه باسمه گن لیگی نی اویلَنگ چی.  بونده ی بیر وضعیتده میلیونلب سوریه لیک مهاجر اوروپا بیرلیگی اولکه لری تامان حرکت ایتگن بولر ایدی. اوروپا بیرلیگی اولکه لری گه ییتیب بارگن آز سانلی مهاجر لرنینگ هم کونساین آرتیب باریتگن فاشیست و نازیست جریان لرنینگ باسیمی گه دوچ کیلیب قالگن لیگی نی اویله گنیمیزده, اوروپا نینگ انسانلیق و ارزش لر بحرانی ینه ده چقورلشگن بولر ایدی. 

تورکیه نینگ 3,5 میلیون سوریه لیک مهاجر نی اوز بغری گه باسگن لیگی و سوریه خصوصیده مثبت بیر سیاست آلیب باریتگن لیگی نی بیلدیرگن لیگی گه قره مسدن, بونده ی بیر سیاست نی تعقیب ایتیاتگن اقتدارده گی حزب اوز رای میزانی نی کونساین آرتیرماقده.  تورکیه نینگ بیرته گینه کیلیس شهری نینگ اوزی برچه اوروپا بیرلیگی اولکه لریدن آرتیغراق سوریه لیک مهاجر نی اوز بغری گه باسگن وضعیتده. بیر اوروپا بیرلیگی اولکه سی نینگ 130 سوریه لیک مهاجر نی قبول قیلیشی نینگ ممکن ایکن لیگی نی بیلدیرگن لیگی گه, اوشه پیتده کیلیس والیسی جوده قیزیق بیر جواب بیرگن ایدی.  شونده ی قیلیب کیلیس والیسی, اوشبو خصوصده, "او اولکه زحمت قیلمه سین, 130 سوریه لیک مهاجر نی اوز اوییگم گه قبول قیله من" دییه قید ایتگن ایدی. 

اوروپا ده ایسه حزب لر مهاجر لر, چیت ایل لیک لر و اسلام گه مخالفت سیاست لری آرقه لی بیر بیر لری بیلن رقابت ایتیب رای میزانی نی آرتیریش گه حرکت ایتماقده.  اتریشده, "هیچ مهاجر بولمه سین" شکلیده وعده قیلگن حزب, سیلاو لر نتیجه سیده بیرینچی حزب بولیب چیقدی.  کوپلب اوروپا اولکه سیده فاشیست و نازیست حزب لر موفقیت قولگه کیریتماقده.  ایریم اولکه لرده ائتلاف لر قوریلماقده.  افراطی راستگرالرنینگ کوچی نینگ آرتیب کیتمس لیگی اوچون معتدل راست و چپ حزب لر کوپلب اولکه لرده افراطی لشماقده.  البته که کیله جک نی قارانغی بیر وضعیتگه کیلتیریاتگن اوروپا نینگ اوشبو بحرانی, بشریت اوچون کتته بیر قیین چیلیک دن عبارت.  حاضرگی کونده اوروپا ده افراطی لیک قیلمیاتگن دموکراتیک حزب لرنینگ اقتدار گه کیله آلیشی, تورکیه و منطقه اولکه لری نینگ مهاجر لر بیلن علاقه لی سعی و حرکت لری نینگ حصه قوشگن لیگی نی کورستماقده. 

ایران و کورفز اولکه لری گه تقریباً هیچ سوریه لیک مهاجر نینگ کیتمه گن لیگی هم بحث ایتیلیشی کیره ک بولگن باشقه بیر موضوع نی تشکیل ایتماقده. 

تورکیه نینگ سوریه عملیاتی توغری سیده منفی پروپاگند...

حاضرگی کونده, ترور تشکیلاتی داعش نینگ مغلوبیت گه اوچره تیلگن لیگی گه قره مسدن, خلق ارا اکتور لر نینگ سوریه مسئله سی نی ییچیش اورنیگه خودی منه شوو معما نی تقریباً چقورلشتیریش گه حرکت ایتیاتگن لیک لری حیرت گه سزاوار بیر موضوع نی تشکیل ایتماقده. افسوس که اوشبو موضوع سوریه گه خاص بیر مسئله دن عبارت ایمس.  افغانستان, عراق, لیبیا و سوریه کبی خلق ارا ائتلاف نینگ مداخله سی بولگن هیچ بیر اولکه ده برقرارلیک اورنه تیلمه گن.  عکسینچه اوشبو جغرافیه لرده, کوپلب کیشی جان بیررایکن, مینگلب کیشی اوز وطن لری نی ترک ایتیش گه مجبور بولیب, خودی منه شوو منطقه لر یشش نینگ ممکن بولمه گن جغرافیه لر گه ایله نیب قالگن.  اوشبو وضعیت بوییچه عذاب لرنینگ همه سی نی هم منطقه اولکه لری تارتماقده.  شوباعث, بونده ی بحران لرنینگ بحث موضوعی بولیشی تقدیرده, خلق ارا ایمس, بلکه منطقه مقیاسده گی ائتلاف لر گه اهمیت بیریلیشی کیره ک. 

داعش نینگ مغلوبیت گه اوچره تیلگن لیگی و ایچکی اوروش لرنینگ توخته تیله دیگن بیر وضعیتگه کیلگن لیگی گه قره مسدن, امریکا قوشمه ایالتلری نینگ ترور تشکیلاتی پی وای دی/وای پی جی گه مینگلب موتر قورال بیریاتگن لیگی و وای پی جی نی بیر "چیگره کوچی" گه ایلنتیریش بوییچه بیاناتی, حقلی بیر شکلده تورکیه و منطقه اولکه لری نینگ قتتیق عکس العملی گه سبب بولماقده.  پی کا کا و پی وای دی تورکیه و منطقه اولکه لریده اون مینگلب انسان نی اولدیرگن بیر ترور تشکیلاتیدن عبارت.  اسامه بن لادن باشچی لیگی ده گی القاعده منسوب لریدن تشکیل تاپگن بیر کوچ دن, امریکا قوشمه ایالت لری چیگره سیده اورین آلگن بیر اولکه ده "چیگره کوچی" صفتیده ایتیلیشی واشنگتن رهبریتی تامانیدن قنده ی کوتیب آلینسه, پی وای دی گه سلاح بیریلیب اوشبو ترورچی لردن بیر چیگره کوچی تشکیل ایتیلیشی گه حرکت ایتیلیشی هم تورکیه و منطقه اولکه لری اوچون شونده ی کوتیب آلینماقده.  تورکیه, چیگره لری نی قوریش, منطقه ده برقرارلیک نی تامین ایتیش, انسان لرنی اوشبو ترورچی لر دن نجات بیریش و ینه ده کوپراق قاچقین نینگ تورکیه گه کیلمس لیگی اوچون "زیتون ناوده سی" عملیاتی نی باشلش گه مجبور بولیب قالدی. 

ایریم تامان لر تورکیه نینگ اوشبو مشروع عملیاتی نی باشقه چه قیلیب کورسه تیش گه انتیلماقده. امریکا قوشمه ایالت لری تامانیدن حمایه له نیاتگن پی وای دی/وای پی جی ترور تشکیلاتی نینگ عراقدن آقدینگیز گه قدر بولگن جغرافیه گه جایله شیب آلیب سوریه نی بولیش (تجزیه) گه حرکت ایتیاتگن لیگی سببلی, اوشبو عملیات نینگ اینگ مهم هدف لری دن بیری سوریه نینگ توپراق بوتونلیگی نینگ قورینیشی دن عبارت.

تورکیه نینگ تروریزم گه قرشی عملیاتی, کُرد لر گه قرشی بیر حرکت کبی کورسه تیلیش گه حرکت ایتیلماقده.  اسامه بن لادن گه قرشی آلیب باریلگن عملیات لرنینگ عرب لر گه قرشی بولمه گن لیگی دیک, تورکیه نینگ هم اوشبو عملیاتی کُرد لر گه قرشی بیر حرکت دن عبارت ایمس البته که.  باشقه بیر تاماندن ایسه, ترور تشکیلاتی پی کا کا نینگ سوریه ده گی قسمیدن عبارت پی وای دی/وای پی جی نینگ اینگ کوپ کُرد لر گه قرشی هجوم اویوشتیرگن لیک لری بیلینگن بیر حقیقت نی تشکیل ایتماقده. 

پی وای دی/وای پی جی, اوز منطقه لریده اولر نی حمایه لَمَیتگن کرد لر, عرب لر, تورکمن لر و مسلمان بولمه گن کیشی لر نی یوق ایتیش گه حرکت ایتماقده.  اوشبو منطقه دن قاچگن کوپلب کیشی تورکیه و باشقه منطقه اولکه لری گه باش پنه سوره ب کیلگن وضعیتده.  ایندی, امریکا قوشمه ایالت لری نینگ نیمه اوچون منطقه یشاوچی لری نینگ اوز منطقه لری گه قیتیب باریش لری گه اجازت بیرمیتگن لیگی سوره لیشی کیره ک بولگن اینگ مهم سئوال نی تشکیل ایتماقده.  شونده ی قیلیب تورکیه نینگ سوریه عملیاتیده گی اساسی هدف هم اوشبو منطقه لر نینگ تروریست لر دن تصفیه ایتیلیشی و منطقه یشاوچی لری نینگ اوز یورت لری گه قیتیب باریش لری اوچون زمینه یره تیش دن عبارت. 

باشقه اوروش لر دیک, بیر کون کیلیب اوشبو اوروش هم اداققه ییته دی البته که.  اینگ مهم نرسه, اکثریتی نی قولدن بیریب قویشی میز گه قره مسدن, کیله جک اولاد گه قویب کیتیشی میز ممکن بولگن قیسی ارزش لر نی اسره ب قالگن لیگی میزدن عبارت.     

ییلدیریم بایزید عالی بیلیم یورتی سیاست بیلیم لری فاکولته سی نینگ باشلیغی پروفیسر داکتر قدرت بلبل نینگ اوشبو خصوصده گی فکر و ملاحظه لری نی حضورینگیز گه تقدیم ایتدیک عزیز دوست لر.