اردوغان ترامپ بیلن اوچره شدی
اوشبو اوچره شوو تلفن آرقه لی بولیب اوتدی
تورکیه جمهوریتی جمهوررئیسی رجب طیب اردوغان امریکا قوشمه ایالتلری دولت رهبری دونالد ترامپ بیلن تلفن آرقه لی اوچره شدی.
اوشبو اوچره شوو امریکا قوشمه ایالتلری نینگ طلبی گه کوره بولیب اوتدی.
خودی منه شوو اوچره شوو جریانیده اساسا تورکیه نینگ سوریه نینگ عفرین منطقه سیده گی عملیاتی توغریسیده بحث ایتیلدی.
جمهوررئیسی اردوغان اوشبو اوچره شوو جریانیده امریکا قوشمه ایالتلری نینگ ترور تشکیلاتی پی کا کا نینگ سوریه ده گی قسمیدن عبارت پی وای دی نی حمایه قیلیشدن واز کیچیشی کیره ک ایکن لیگی نی بیلدیردی.
اردوغان تورکیه قوراللی کوچلری نینگ خلق ارا حقوققه اویغون اوله راق عفرین منطقه سیده عملیات اویوشتیریاتگن لیگی نی معلوم قیلدی.
عینی دمده اردوغان، تورکیه نینگ هدفی نینگ اوز خوفسیزلیگی نی تامین ایتیش اوچون عفرین نی ترورچیلردن تصفیه قیلیش دن عبارت بولگن لیگینی بیلدیردی.
ایککی رهبر سوریه مسئله سی و باشقه ایککی تامانلمه موضوع لر توغریسیده همکارلیک و یقین تماس لری نی دوام ایتتیریش بوییچه قرارلی ایکن لیگینی معلوم قیلدی.
علاقه لی ینگی لیکلر
تورکیه رادیو تلویزیونی گه مکافات بیریلدی
اوشبو مکافات سیونیست حرکت نینگ تاریخی گه تیگیشلی دقت گه سزاوار اوچ بولیملیک ویدیو طفیلی بیریلدی
تورکیه جمهور باشلیغی ایردوغان فلسطین بوییچه مهم بیانات بیردی
فلسطنلیک لرنینگ اوزاق ییلللردن بیری اوی - جایی گه قیتیش گه حسرت قالگن لیگینی تیلگه آلدی