تورکیه نینگ عادی اهالی نی اورگن لیگی ادعاسی یلغان

تورکیه جمهوریتی باش وزیری نینگ اورینباسری و حکومت سوزلاوچیسی بکر بوزداغ، تورکیه قوراللی کوچلری نینگ زیتون ناوده سی عملیاتی دایره سیده عادی اهالی نی اورگن لیگی ادعاسی نینگ یلغان ایکن لیگینی معلوم قیلدی. 

بکر بوزداغ، "اوشبو عملیات نینگ اساسی هدفی ترور تشکیلاتی پی کا کا، پی وای دی، وای پی جی، کا جی کا و داعش دن عبارت. تورکیه عادی اهالی نینگ ضرر کورمس لیگی اوچون جدی حساسیت کورستماقده. اوشبو دایره ده برچه تدبیرلر آلینگن وضعیتده" دییه قید ایتدی.

بوزداغ اوشبو عملیات نینگ تورکیه جهتیدن ترجیح ایمس، بلکه بیر مجبوریت دن عبارت بولگن لیگینی معلوم قیلدی. 

عملیات نینگ پلانلنگن لیگی دیک دوام ایتیاتگن لیگینی معلوم قیلگن بوزداغ، اوشبو عملیات نینگ بوندن کیین هم دوام ایته دیگن لیگی نی بیلدیردی. 

عینی دمده بوزداغ، "عملیات نینگ دوام ایتیشی و چیگره لر بوییچه تورکیه نینگ اوزی قرار  بیره دی.  اوشبو عملیات ترورچی لر یوق ایتیلگونگه قدر دوام ایته دی" دییه قید ایتدی. 

بوندن تشقری بوزداغ، ترور تشکیلاتی پی کا کا نینگ تورکیه گه قرشی اوروشیش شرطی بیلن داعش ترورچیلری نی قویب یوبارگن لیگی نی هم بیلدیردی.