اردوغان: ترکیه نینگ سوریه ده عملیات اویوشتیریشی ممکن

ترکیه جمهوریتی جمهوررئیسی رجب طیب اردوغان انقره نینگ قهرمان قزان اولسواللیگیده برق فابریکه سی نینگ قوریلیشی مراسمی جریانیده صحبت ایتدی. 

اردوغان, امریکا قوشمه ایالتلری نینگ سوریه نینگ شمالیده 30 مینگ کیشی لیک چیگره کوچی تشکیل ایته دیگن لیگی گه تیگیشلی بیاناتی باره سیده بحث ایتدی اوشبو صحبتی جریانیده. 

ترورچی لر دن تشکیل تاپه دیگن اوشبو کوچ نینگ ترکیه اوچون تهدید ایکن لیگینی بیلدیرگن اردوغان, بولووچی ترور تشکیلاتی پی کا کا نینگ سوریه ده گی قسمیدن عبارت پی وای دی/وای پی جی نینگ کنترولیده بولگن منطقه لر گه احتمالی عملیات باره سیده بحث ایترایکن, سوریه نینگ شمالیده گی عفرین و منبچ ده ترکیه نینگ عملیات اویوشتیریشی نینگ ممکن ایکن لیگی نی معلوم قیلدی. 

اردوغان, ترکیه نینگ کوچی نینگ کونساین آرتیب باریتگن لیگی نینگ ایریم تامان لر نی راحت سیز ایتیاتگن لیگی نی بیلدیررایکن, خودی منه شوو تامان لرنینگ ترکیه گه قرشی سعی و حرکت ایتیاتگن لیگی نی ایسله تیب اوتدی. 

جمهوررئیسی اردوغان, "امریکا قوشمه ایالتلری نینگ حمایه سی نی کسب ایتگن پی کا کا/پی وای دی بیز نی تهدید ایتماقچی.  ترکیه نینگ اوز ایشلری بیلن بند بولیشی نی خواهله ماقده.  نیمه بولسنگیز بولینگ, همه لرینگیز نی مغلوبیتگه اوچره ته میز.  باشقه بیر چاره سی یوق.  توپ بیلن اورماقده میز, اوریش گه دوام ایته میز.  قرار بیردیک. حاضر هم عملیات لر دوام ایتماقده.  نیمه قیلسه هم بیز میلادی 2023 نچی ییلی هدفی میز گه نایل بوله میز" دییه قید ایتدی.

اردوغان, امریکا قوشمه ایالتلری نی ترور تشکیلات لری نی حمایه قیلیشدن واز کیچیش گه چقیردی. 

جمهوررئیسی اردوغان, اوز سوز لری نی, "سینینگ قورگن 30 مینگ کیشیلیک اردو او ییرده سیندن نماینده لیک ایتمَیدی. سین ستراتیژیک همکارینگ نینگ مقابلیده رذیل بوله سن. بیز همه متفق لری میز گه شونی ایتماقده میز: تروریست و قاتلر بیلن بیز نینگ آره میزده توخته منگ.  آرزو ایتیلمه گن هر قنده ی بیر حادثه بوییچه بیز مسئول ایمس میز.  ترور تشکیلات لری نینگ مرکز لریده گی بیرق لرینگیز نی اوزینگیز آلینگ.  یوقسه بیز سیزگه آلیب بیریش و ترورچی لر بیلن همکارلیک قیلیاتگن لرنی کومیب قویش گه مجبور بولیب قاله میز" شکلیده دوام ایتتیردی. 

ترکیه چیگره سیده ترورچی لر اردوسی نی قوریش گه حرکت ایتیاتگن امریکا قوشمه ایالت لری نینگ ترکیه نی هدف قیلیب آلیاتگن لیگی نی بیلدیرگن اردوغان, "امریکا ایندی گپ نی قویب, اساسی هدفی نی بیلدیرسه خوش بوله میز.  امریکا تروریست لر اردوسی نی قورگن لیگی نی بیلدیردی. بیز نینگ وظیفه میز ایسه, اوشبو اردونی توغیلمَسدن آلدین بوغیب اولدیریشدن عبارت.  آرزو ایتیلمه گن بیر وضعیت نینگ پیدا بولیشی بوییچه ایسه بیز مسئول ایمس میز" دییه قید ایتدی. 

عفرین و منبچ نینگ تیزده ترورچی لر دن تصفیه ایتیله دیگن لیگی نی بیلدیرگن اردوغان, کیین چه لیک نوبت نینگ باشقه منطقه لر گه کیله دیگن لیگی نی بیلدیررایکن, اینگ سونگگی ترورچی نینگ هم یوق ایتیلگونگه قدر اوشبو عملیات لر نینگ دوام ایته دیگن لیگی نی معلوم قیلدی.