تورکیه باش وزیری بنگلدشده آراکانلیک مهاجرلرنینگ کمپینی باریب کوردی
تورکيه جمهوریتی باش وزیری بن علی ییلدیریم رسمی سفر بیلن بنگلدش گه بارر ایکن او ییرده آراکانلیک مسلمانلر حالیدن خبر آلدی.
ییلدیریم بنگلدش پایتختی داکاگه بولگن تشریفی نینگ آرتیدن آراکانلیک مهاجرلر پناه کیلتیرگن کاکس- بازار شهریگه باردی.
باش وزیر کاکس-بازاردهگی بالوکهالی کمپیده تورک همکارلیک و کوردیناتورلیک اداره سی، تورکيه آفت و فوق العاده وضعیت ایشلری باشقرووی، تورک قیزیل یریم آی جمعیتی، تورکيه نینگ دین ایشلری بوییچه باشقرمه سی و یاردم تشکیلاتلری وکیللری تامانیدن کوتیب آلیندی.
رسميلردن منطقهدهگی فعالیتلر حقیده معلومات آلگن بن علی ییلدیریم، تیکانینگ کاکس-بازارده جایلشگن «سدر» نامیدهگی کسلخانهسیگه بغیشلنگن عاجل موتری نینگ کلیتینی ییتکچیلر قولیگه تاپشیردی.
باش وزیر بن علی ییلدیریم آرتیدن چادرده کوتگن آراکانلیک مسلمانلر نینگ یانیگه باردی. آراکانلیک مسلمانلر بیلن قوچاق آچیب، بیرمه-بیر قول بیریب سورهشگن ییلدیریم، کوز یاشی توککن بیر آراکانلیک مسلمان عیال نینگ معمالریگه قولاق سالدی.
ییلدیریم آرتیدن تورکيه آفت و فوق العاده وضعیت ایشلری باشقرووی تامانیدن اویوشتیریلگن ساغلیقنی سقلش وزیرلیگی تامانیدن تشکیل تاپگن آغیر هوا شرایطیگه ماسلنگن صحرائی کسلخانهسینی کوریب چیقدی.
کمپده مهاجرلرگه آزیق-طعام و یاردم اشیاسی ترقهتگن باش وزیر خلقارا جمعیتنی نظرده توتگن حالده؛
«بو ییر آدمگرچیلیک یوقالگن نقطه حسابلنهدی. شوندهی ایکن آدمگرچیلیک بوگون ایشگه توشمهگودیک بولسه اونده قچان اوزینی کورسهتهدی» دیب ایتدی.
علاقه لی ینگی لیکلر
استانبول هوا قونلغه سی اروپاده بیرینچی بولدی
استانبول هوا قونلغه سی کونده لیک مینگلب اوچیش بیلن اروپاده بیرینچی بولدی
ایردوغان بیلن مخبر اوزارا سوزلشوو اوتکزدی
تورکیه جمهور باشلیغی ایردوغان بیلن ایران جمهور باشلیغی اورینباسری مخبر اوزارا سوزلشوو اوتکزدی