تورکیه، امریکا تبعه لری نینگ ویزه مراجعه لرینی قبول قیلیب باشله دی

تورکیه، امریکا قوشمه ایالتلری تبعه لری نینگ ویزه مراجعه لرینی محدود بیر شکلده قبول ایتیش گه باشله دی.

تورکیه نینگ واشنگتن بویوک ایلچی لیگیدن بیریلگن بیاناتده، امریکا قوشمه ایالتلری اداره سی نینگ بو توغریده گی آدیمی نینگ آرتیدن، تورک نماینده لیکلری نینگ هم ویزه خدماتینی محدود بیر شکلده تکرار باشلتگنینی بیلدیردی.

امریکا قوشمه ایالتلری انقره نینگ بو قدمیدن آلدین، تورکیه ده گی دیپلوماتیک نماینده لیکلریده ویزه مراجعه لرینی محدود بیر شکلده قبول قیلیش گه باشله گنینی اعلان قیلگن ایدی.

تورک تشقی ایشلر منبع لری ایسه، واشنگتن اداره سی نینگ بو تصمیمینی، باش وزیر بن علی ییلدیریم نینگ بوگون (7 نومبر) ده باشله یه دیگن امریکا سفریدن آلدین آلگنینی "مثبت بیر قرار" دیب، بونگه اوخشش بیر قرار الیشلری نینگ ممکن ایکنینی ایتگن ایدیلر.

ایککی اولکه اورته سیده ویزه بحرانی، اوتگن آی امریکا قوشمه ایالتلری نینگ استانبول باش قونسلگرلیگی نینگ بیر ملازیمی نینگ فتح الله چی ترور تشکیلاتی (فتو) بیلن علاقه سی بولگنی باعث اوشلنگنی سببلی یوز بیرگن ایدی.

امریکا قوشمه ایالتلری اداره سی، 8- اکتوبرده تورک وطنداشلری نینگ ویزه مراجعه لرینی توخته ترکن، انقره هم بالمقابل قرشی لیک بیرگن ایدی.

باشقه تاماندن تورکیه نینگ واشنگتن بویوک ایلچی لیگی بیرگن بیاناتیده؛

"تورکیه بیر حقوق دولتی دیر و قضائی جریان دوام ایتیب تورگن دوسیه لر بیلن تیگیشلی اوله راق حکومت نینگ قیسی بیر اطمنانلیک بیریشی موضوع بحث ایمس دیر، دیب اورغوله گن ایدی.