تورکيه ده پی کاکا ترور تشکیلاتی اعضالری بیلن خوفسیزلیک کوچلری اورتهسیده توقنهشوو یوز بیردی
اوشبو توقنه شوو عاقبتیده ایسه 1 عسکر شهید بولر ایکن، 2 عسکر یینگیل تن جراحتی آلدی.
تورکيه نینگ وان ولایتی نینگ باش قلعه تومنیده پی کاکا ترور تشکیلاتی اعضالری بیلن خوفسیزلیک کوچلری اورتهسیده توقنهشوو یوز بیردی. عاقبتیده ایسه 1 عسکر شهید بولر ایکن، 2 عسکر یینگیل تن جراحتی آلدی.
والی لیکدن بیریلگن بیاناتگه کوره تومن نینگ ایسن یاماچ محلهسیده، ولایت ژاندار قوماندانلیگی تامانیدن آلیب باریلگن عملیات چاغیده ترور تشکیلاتی اعضالری بیلن بولگن توقنهشووده 1 عسکر نینگ شهید بولگنلیگی، 2 عسکر نینگ ایسه یینگیل تن جراحتی آلگنلیگی معلوم قیلیندی.
بیاناتده خوددی انه شو توقنه شوو چاغیده 3 تروریست نینگ هم اولدیریلگن لیگی قید ایتیلدی.
منطقهده خلق نینگ تینچلیک و خوفسیزلیگینی تأمینلشگه قرهتیلگن ترورگه قرشی کورهش نینگ قاطع لیک بیلن دوام ایتتیریلگنلیگی تأکیدلنگن بیاناتده؛
"عملیاتده کناس نشان آلووچی میلتیغی، AK-47 پیاده مِیلتیغی، تفنگچه، 3 قول بمبی، لپ توپ، مبائیل تیلفون، کامره، پورتاتیف بطری و نقشه نینگ قولگه کیریتیلگنلیگی هم قید ایتیلدی.
علاقه لی ینگی لیکلر
استانبول هوا قونلغه سی اروپاده بیرینچی بولدی
استانبول هوا قونلغه سی کونده لیک مینگلب اوچیش بیلن اروپاده بیرینچی بولدی
ایردوغان بیلن مخبر اوزارا سوزلشوو اوتکزدی
تورکیه جمهور باشلیغی ایردوغان بیلن ایران جمهور باشلیغی اورینباسری مخبر اوزارا سوزلشوو اوتکزدی