جمهور رئیس ایردوغان بیلن روسیه دولت رهبری پوتین اوچره شوو اوتکزه دی

تورکیه جمهور رئیسی رجب طیب ایردوغان، تورکیه گه کیله دیگن دولت باشلیغی ویلادیمیر پوتین بیلن 28 سپتمبر پنجشنبه کونی آقشم اوقاتیده اوچره شه دیلر.

جمهور رئیس ایردوغان، بیرلشگن ملتلر تشکیلاتی شهرلر و اقلیم اوزگریشی خاص نماینده سی و نیویورک ایسکی بلدیه باشلیغی مایکل بلومبرگ تامانیدن اویوشتیریلگن "بلومبرگ گلوبال تجارت احتفالیده" سواللرگه جواب قیتردی.

"روسیه دولت رهبری پوتین بیلن دوشنبه کونی تیلفونی صحبت اوتکزرلیگینی معلوم قیلگن ایردوغان، پنج شنبه کونی آقشم اوقاتینی بیرگه لیکده ییه میز. سوریه ده گی جریاننی کوریشیب چیقه میز،" دیدی.

ایردوغان و پوتین، سوریه ده یوز بیرگنلر قاله ویرسه تورکیه تامانیدن روسیه دن ساتیب آلینیشی ریجه لنگن S-400 هوا مدافعه سیستم لری موضوعسینی هم کوریشه دی.

جمهور رئیس ایردوغان، آلمانده اوتکزیلگن جی – 20 رهبرلر جلسه سی چوکاتیده 8 جولایده روسیه دولت باشلیغی پوتین بیلن اوچره شگن ایدی.