جمهوررئیسی اردوغان نینگ بیرم مناسبتی بیلن ترقتگن پیامی

 ترکیه جمهوریتی جمهوررئیسی رجب طیب اردوغان قربان هیت بیرمی مناسبتی بیلن ترقتگن پیامیده, ترک ملتی نینگ, ترور تشکیلات لری و اولرنی حمایه لیتگن تامان لر گه بوین ایگمیدیگن لیگی نی معلوم قیلدی. 

جمهوررئیسی اردوغان, "دموکراسی میز, اقتصادی میز و تشقی سیاستی میز آرقه لی اولکه میز نی معاصر مدنیت لر سویه سی گه ییتیشتیرگونگه قدر قرارلی لیک بیلن اوز فعالیت لری میز نی دوام ایتتیره میز" دییه قید ایتدی. 

قربان هیت بیرمی نینگ جاری ییلده آگست آیی نینگ 26 نچی و 30 کون لری کبی مهم کونلر آرتیدن کیلگن لیگی گه دقت قره تگن جمهوررئیسی اردوغان اوز سوز لری نی, "میلادی 1071 نچی ییلی آگست آیی نینگ 26 نچی کونیده گی غلبه سی بیلن انادولو نی ابدی یورتی میز گه ایلنتیرگن سلطان آلپ ارسلان و عسکر لری نی حرمت بیلن یاد ایته میز.  میلادی 1922 نچی ییلی آگست آیی نینگ 30 نچی کونیده دُملوپنارده کسب ایتیلگن غلبه میز, ملی نجات اوروشی نینگ موفقیتی بوییچه بیر مژده دن عبارت بولدی.  میلادی 2016 نچی ییلی جولای آیی نینگ 15 نچی کونی غلبه سی نی هم ملتی میز نینگ غلبه سلسله سی نینگ بیر بولیمی صفتیده بهالنتیرماقده میز" شکلیده دوام ایتتیردی.

جمهوررئیسی اردوغان میلادی 2023 نچی ییلی هدف لری باره سیده هم بحث ایترایکن, "میلادی 2023 نچی ییلی هدف لری میز دایره سیده, اولکه میز نی دنیا نینگ اینگ کوچلی 10 اقتصادی دن بیری گه ایلنتیره میز.  ملتی میز گه وعده قیلگن رفاه سویه سی نی تامین ایتیب بیره میز" دییه قید ایتدی. 

عینی دمده جمهوررئیسی اردوغان, اوشبو پیامیده ظلم گه دوچ کیلیب قالگن اراکان لیک مسلمانلر اوچون دعا قیلینیشی کیره ک ایکن لیگی نی بیلدیردی.