ترکیه ده ترکچه دن خارجی کلمه لر چیقاریله دی

ترکیه ده ترکچه دن خارجی کلمه لر چیقاریله دی. 

اوشبو خصوصده دولت اداره لری اوز فعالیت لری گه باشله دی.

ترکیه ده ترک تیلیده استفاده ایتیلیتگن خارجی کلمه لرنینگ آلیب تشله نیشی اوچون کیره کلی فعالیت لر باشله تیلدی. 

ترکیه جمهوریتی باش وزیری بنعلی ییلدیریم ترکچه ده اینیقسه یاش لر تامانیدن اجتماعی ترماق لر ده کوپلب خارجی کلمه لر و معنی سیز سوزلردن استفاده ایتیتیلیتگن لیگی نی بیلدیررایکن, اوشبو وضعیت نینگ توزه تیلیشی کیره ک ایکن لیگی نی معلوم قیلگن ایدی. 

شوباعث بیلگی تکنالوژی لری و مخابرات بیلن ترک تیلی اداره لری خودی منه شوو خصوصده مشترک روشده فعالیت آلیب باریش اوچون تیارگرلیک اوتکزرایکن, ترکیه تکنالوژی اویوشمه سیده هم اوشبو خصوصده بیر "فعالیت گروپی" قوریلدی.

آلدین هم 15 مینگ تکنالوژیک کلمه نینگ ترکچه سی نی تاپیپ تقدیم ایتگن خودی منه شوو اویوشمه ایندی فعالیت لری نی ینه ده آرتیره دی. 

اویوشمه, اینیقسه اجتماعی ترماق لرده یاش لر تامانیدن اینگ کوپ استفاده ایتیلیتگن خارجی کلمه لر اورنی گه ترکچه سوز لر تاپیپ خودی منه شوو ینگی کلمه لر حقیده سینمارلر, کنفرانس لر و ورکشاپ لر آرقه لی معلومات بیره دی.

شونده ی قیلیب اویوشمه, یاش لر نی اوشبو ینگی کلمه لردن فایده له نیش گه تشویق ایته دی.