اردوغان: قطر نینگ ترور تشکیلات لرینی حمایه له گن لیگینی کورمه دیم
ترکیه جمهوریتی جمهوررئیسی رجب طیب اردوغان اوشبو مطلب نی بیر افطار ضیافتیده قیلگن صحبتی جریانیده بیلدیردی
ترکیه جمهوریتی جمهوررئیسی رجب طیب اردوغان عدالت و توسعه حزبی نینگ استانبول شعبه سی تامانیدن ترتیب لنگن افطار ضیافتیده قیلگن صحبتیده کورفزده گی بحران باره سیده بحث ایتدی.
جمهوررئیسی اردوغان برچه تامان لر نی اوشبو بحران نینگ ییچیلیشی اوچون دیالوگ گه چقیردی.
اردوغان, سونگگی کونلرده باشلب کیتگن کورفز بحرانی نینگ مبارک رمضان آییده مسلمان لرنینگ تینچی نی بوزیب قویگن لیگی نی بیلدیردی.
قرداش لر آره سیده گی جنجال دن دشمن لرنینگ فایده له نه دیگن لیگی نی بیلدیرگن اردوغان, مسلمان لرنینگ مسلمان لر تامانیدن اولدیریلیشیدن چرچه گن لیک لری نی معلوم قیلدی.
اردوغان, "سوریه و عراقده مسلمان قرداش لرنینگ آره سیده گی جنجال لر نیمه فایده قیلدی؟ " شکلیده سئوال بیردی.
قطر نینگ هر قنده ی بیر ترور تشکیلاتی نی حمایه له گن لیگی گه شاهد بولمه گن لیک لری نی بیلدیرگن جمهوررئیسی اردوغان, "قطرده گی قرداش لری میز نی حمایه ایتیشنی دوام ایتتیره میز" دییه قید ایتدی.
سعودی عربستان, بیرلشگن عرب امیرلیک لری, بحرین و یمن کبی عرب اولکه لر بیلن باشقه ایریم اولکه لر ترور تشکیلات لری نی حمایه له گن لیگی ادعا سی بیلن قطر بیلن بولگن مناسبت لری نی توخته تیب قویگن وضعیتده.
