ایردوغان امریکا قوشمه ایالتلرینی ترور تشکیلاتلری توغریسیده تنقید ایتماقده

جمهور رئیس رجب طیب ایردوغان چین ده ژورنالیست لرنینگ سواللریگه جواب قیتردی.

ایردوغان؛

"اگر استراتیژیک متفق بولسک اتفاق چوکاتیده قرار آلیشیمیز کیره ک. اتفاق ده نقصان بولگنده باشیمیزنی چاره سینی قیلیشیمیز کیره ک. بیز بو اتفاق نی ترکیه نینگ ضدیگه بوله دیگن یانداشووگه رخصت بیرمه ی میز" دیدی.

ایردوغان بیر سوالگه بناً، ترور تشکیلاتی داعش گه قرشی کوره ش توغریسیده ترکیه نینگ سیکین کیتگن لیگی ادعالری نینگ یلغان دن عبارت ایکن لیگینی ایتدی.

امریکا قوشمه ایالتلری نینگ ترور تشکیلاتی داعش خطرینی درک قیلمسدن اوّل ترکیه نینگ بو خطرنی کوریب، اوز یانداشووینی نمایان قیلگن لیگینی ایسلتگن ایردوغان، "اگر بیز بو یانداشوونی نمایان قیلگن بولمسک ایدی، ترور تشکیلاتی داعش بونقه بحران نینگ ایچیده قالمس ایدی" دیدی.

امریکا قوشمه ایالتلریده بیر قطار بی مسؤلیت انسانلرنینگ تبلیغی بیلن میدیاگه ترقلگن "ترکیه داعش گه قره ته مسؤلیتینی ادا قیلمه دی" دیب تهمت قیلگن لیگینی لیکن بو ترور تشکیلاتی گه قرشی اینگ بویوک کوره ش نینگ ترکیه نینگ بیریب تورگن لیگینی اورغوله دی ایردوغان.

جمهور رئیس،

"باشدن بیری داعش، طیب ایردوغان نی نیمه اوچون آماج قرار بیریب تورگن؟ داعش مینی آماج قرار بیرماقده. اولرنینگ میدیا ارگانلریده مین نینگ کتته-کتته عکس لریم موجود. بو تهمت نی قیلگنلرنینگ بو نشرات ارگانلریده عکس لری بار می؟ یوق. بیز ایشانگن نرسه نی ایشانگن شکلده عملی قیله میز. بو یولگه بو شکل گه چیقدیک، بو شکلده دوام ایتماقده میز" دیب افاده ایتدی.

ایردوغان ترور تشکیلاتی داعش گه قرشی کوره ش نینگ ایریم بیر ترور تشکیلاتی بیلن آلیب باریش نینگ هم ائتلاف و هم امریکا قوشمه ایالتلری نینگ اعتبارینی یوق قیلگن معناسیگه کیلرلیگینی اورغوله دی.

"بو جایده YPG گه هم PYD گه هم ضرورت یوق. بولر ترور گروهی دیر" دیب ایتگن جمهور رئیس ایردوغان، داعش گه قرشی کوره ش اوچون YPG بیلن همکارلیک نینگ ضرور دیب ایتیش در حقیقیت ائتلاف و امریکا قوشمه ایالتلری نینگ اعتبارینی یوق ایتیش دیر. بو مجادله نی بیزلر، ناتوده بیرگه لیکده بولگن کوچلر بیلن بو منطقه ده گی ایریم اولکه لر بیلن سعودی عربستان، لبنان و اردون بیلن بیرگه لیکده یخشی بیر شکلده آلیب باراله میز. بو ترور تشکیلاتی گه احتیاجیمیز یوق. بیزبونی جرابلس، دابق، رائی و الباب ده اثبات قیلدیک. ایندی منبیچ و رقه ده اثبات قیله میز، دیب ایته میز، دیدی.

ترور تشکیلاتی داعش نی اسلام بیلن هیچ بیر مناسبتی بولمه گن لیگینی اورغوله گن ایردوغان، بو تشکیلات نینگ اسلام اوچون بیر قاره لکه ایکن لیگینی تذکر بیردی.