ترکیه جمهور رئیسی ایردوغان چین دن امریکا قوشمه ایالتلریگه جونب کیتدی

چین نینگ پایتختی پکن ده خلق ارا همکارلیک اوچون " بیر یول بیر قطب " ییغینی گه قتنشگن جمهور رئیس رجب طیب ایردوغان، بوگون ایسه امریکا قوشمه‌ ایالتلری نینگ پایتختی وا‌شینگتن گه جو‌نب کیتدی.

جمهور رئیس ایردوغان، چینده، "بیر یول بیر قطب" ییغینی چوکاتیده بیریلگن دعوتگه قتنشدی.

ایردوغان ضیافتدن کیین خصوصي اوچاغی بیلن تورکيه وقتی بیلن ساعت 09:25 ده پکندن جونب کیتدی.

جمهور رئیس ایردوغان، واشنگتنده  امریکا جمهور رئیسی دونالد ترامپ بیلن ایرته‌ گه (16 می) کونی یوزمه‌- یوز و هیأ‌تلر ارا اوچره ‌شوولر اوتکزه‌ دی.

ایردوغان نینگ، امریکا قوشمه ایالتلری جمهور رئیسی ترامپ بیلن بوله‌ دیگن ایلک ییغیلیشیده اوّلا منطقوي و خلق ‌ارا موضوعلرنی محاکمه‌ قیلیشی کوتیلماقده.

زیارت چوکاتیده عملگه آشریله ‌دیگن یوقاری درجه ‌لی اوچره ‌شوولر، اوز ارا علاقه ‌لر بیلن بیر قطارده فتح الله چی ترور تشکیلاتی (فتو) باشقرووچیسی فتح الله‌ گُلن نینگ تسلیم بیریلیشی، سوريه و عراقده ‌گی اوزگریشلر بیلن ترورگه قرشی کوره‌ ش موضوعلری محاکمه‌ قیلینیشی نظرده توتیلماقده.

جمهور رئیس ایردوغان نینگ زیارتیده، عدالت وزیری بکر بوزدا‌غ، تشقی ایشلر وزیری مولد چاووش اوغلی، اقتصادیات وزیری نهاد زیبکچی، انرژی و طبيعي منبع وزیری برات آل بیراق بیلن ملي مدافعه‌ وزیری فکری ایشیق همراه لیک قیلماقده.