تُرک منصبدار امریکا تامانیدن بیریلگن مدال نی قیتریب بیردی

ترکیه نینگ ادانا ولایتیده اورین آلگن اینجیرلیک حربی قونلغه سیده گی بیر ترک منصبدار امریکا تامانیدن بیریلگن مدال نی رد قیلدی. 

امریکا قوشمه ایالت لری نینگ ترور تشکیلاتی پی کا کا نینگ سوریه ده گی قسمی دن عبارت بولگن وای پی جی گه آغیر قورال لر بیریش گه قرار بیرگن لیگی گه قرشی عکس العمل لر دوام ایترایکن, اینجیرلیک حربی قونلغه سیده بیر ترک منصبداری نینگ امریکا نینگ مدالی نی قبول قیلمه گن لیگی بیلدیریلدی. 

توناوون اینجیرلیک ده خلق ارا ائتلاف کوچ لری نینگ قرارگاهیده بیر وداع و مدال تقدیم ایتیش مراسمی بولیب اوتدی.

مراسم جریانیده امریکا لیک دگروال کیوین لیهی, بیر ترک منصبدار گه موفقیتلری سببلی مدال تقدیم قیلدی. 

خودی منه شوو ترک منصبدار ایسه اوشبو مدال نی قیتریب بیردی.

تُرک منصبدار بیرگن بیانات لریده, "سیز نی خفه قیلیش گه طرفدار ایمس من.  بیراق اوشبو مدال نی آلیشیم ممکن ایمس.  اوشبو مدال نی بیرگن امریکا حاضرگی کونده مینینگ دشمنیم دن عبارت ترور تشکیلاتی وای پی جی بیلن همکارلیک قیلماقده.  اوشبو مدال نی آلیش گه وجدانیم اجازت بیرمیدی" دییه قید ایتدی. 

خودی منه شوو مدال نی امریکا تامانی گه قیتریب بیرگن ترک منصبدار محفل دن چیقیب کیتدی.