ترکیه قوراللی کوچلری قوماندانی امریکا لیک تینگداشی بیلن اوچره شدی

ترکیه جمهوریتی قوراللی کوچلری قوماندانی سترجنرال خلوصی آکار, امریکا قوشمه ایالتلری قوراللی کوچ لری قوماندانی جوزیف دونفورد بیلن اوچره شدی. 

ترکیه قوراللی کوچ لری قوماندان لیگی تامانیدن بیریلگن بیاناتده, ترکیه جمهوریتی جمهوررئیسی رجب طیب اردوغان نینگ سفری آلدی دن امریکا گه سفر قیلگن آکار, ملی استخبارات اداره سی نینگ باشلیغی هاکان فیدان و ترکیه جمهوررئیس لیگی سوزلاوچیسی ابراهیم قالین دن تشکیل تاپگن هیئت نینگ, امریکا قوشمه ایالتلری قوراللی کوچلری قوماندانی دونفورد باشچی لیگی ده گی هیئت بیلن اوچره شگن لیگی بیلدیریلدی. 

اوشبو اوچره شوو جریانیده تروریزم گه قرشی کوره ش بیلن سوریه و عراق ده گی ینگی لیک لر باره سیده بحث ایتیلدی.