چیت ایللرده یشیتگن ترک تبعه لری رای بیریب باشله دی

ترکیه ده اپریل آیی نینگ 16 نچی کونیده بولیب اوته دیگن اساسی قانون نینگ اوزگریشی بیلن علاقه لی رفراندوم دایره سیده چیت ایللرده یشیتگن ترک تبعه لری بوگون رای بیریب باشله دی. 

اوچ میلیون دن آرتیغراق رای بیروچی, 57 اولکه ده 120 نماینده لیکده اپریل آیی نینگ 9 نچی کونی گه قدر رای بیره دی. 

رای بیریش پروسه سی ایرته لب ساعت 9 دن باشلب آقشام ساعت 9 گه قدر دوام ایته دی. 

ایلک نوبتده دنمارک, بلجیم, فرانسه, سویس, اطریش و آلمانده یشیتگن ترکلر رای بیره دی. 

ترک لرنینگ اینگ کوپ یشیتگن اولکه ایسه آلمان دن عبارت. 

رای بیریش پروسه سی امریکا قوشمه ایالتلریده اپریل آیی نینگ بیرینچی کونیده, بیرلشگن عرب امیرلیک لریده اپریل آیی نینگ 6 نچی کونیده, شمالی قبرس ترک جمهوریتیده و هالند ده اپریل آیی نینگ 5 نچی کونیده, ایتالیا و سعودی عربستانده خودی منه شوو آی نینگ 7 نچی کونیده, یونان و روسیه ده ایسه مذکور آی نینگ 8 نچی کونیده باشلب کیته دی. 

شونده ی قیلیب اوشبو اولکه لرده رای بیریش پروسه سی اپریل آیی نینگ 9 نچی کونی گه قدر دوام ایته دی. 

بیراق, جاپان, چین و جنوبی افریقا ده یشیتگن ترک تبعه لری نینگ اپریل آیی نینگ 9 نچی کونیده رای بیریش لری ممکن. 

گمرک دروازه لریده هم بوگون ایرته لب ساعت 8 ده باشله گن رای بیریش پروسه سی اپریل آیی نینگ 16 نچی کونی کیچقرون ساعت بیش گه قدر دوام ایته دی.