روسیه – ترکیه دولت رئیس لری مسکوده اوچره شدیلر

روسیه – ترکیه دولت رئیس لری مسکوده اوچره شدیلر

اوچره شوودن آلدین بیانات بیرگن جمهور رئیس رجب طیب ایردوغان، ایککی اولکه اره سیده گی همکارلیک نینگ اینیقسه آق قویو نوکلر سنترالی و ترک آقیمی پروژه سی چوکاتیده توسعه قیلیب دوام ایتگن لیگی گه اشاره قیلدی.

پوتین بیلن ایککی اولکه اره سیده گی مناسبت عین دمده منطقوی مسئله لر بوییچه فکر المه شووی عملگه آشیررلیکلرینی بیان ایتگن ایردوغان، بو اوچره شوونینگ آرتیدن ایککی اولکه نینگ هم منطقه ده کوپراق سوز صاحبی لولرلیگینی اورغوله دی.

روس دولت باشلیغی ویلادیمیر پوتین ایسه؛

"روسیه بیلن ترکیه سونگی پیتلرده سوریه داخل دنیاده گی بحرانلرنی حل قیلیش اوچون فعالیت آلیب بارماقده. روسیه و ترکیه نینگ مدافعه بیلن تیگیشلی اداره لری و استخبارات تشکیلاتلری سویه سیده یخشی مناسبت قورگنلر. روسیه بیلن ترکیه عسکرلری آره سیده بو شکلده یقین مناسبت ایجاد ایتیلیشینی هیچ کیم کوتمس ایدی." دیب، ایتدی.

روسیه دولت باشلیغی، دولت لر آره مناسبتلرنینگ سرعتلی بیر شکلده توزه لگن لیگی اوچون خرسند ایکن لیگینی معلوم قیلیب، بو سویه ده گی (یوقاری سویه لی همکارلیک شوراسی) اوچره شوولریمیزنینگ آخرگیسی 2014 – ییلی بولیب اوتگن ایدی. بو اوزاق مدت جریانیده انچه حادثه یوز بیردی. شو پیله روسیه بیلن ترکیه آره سیده گی مناسبت نینگ اولکه میز حق ایتگن سویه گه باریشی اوچون اکتیف بیر شکلده فعالیت آلیب بارماقده میز، دیدی.