آلمان حکومتی نینگ نامعقول قراری
ترکیه تشقی ایشلر وزیری نینگ پروگرامی بوله دیگن صالونگه اوزگریش کیلتیردی
آلمان حکومتی نینگ نامعقول قراری
ترکیه تشقی ایشلر وزیری مولد چاووش اوغلی آلمان نینگ همبورگ شهریده صحبت قیله دیگن صالون نینگ یانغین تدبیری بولمه گن لیگی بهانه سی بیلن پروگرام ایریم بیر صالونگه آلینگن لیگی بیلدیریلدی.
چاووش اوغلی، "بو لر نازی دوریده گی حرکتلر کبی دیر" دیب، بهالندیردی.
"اوشبو تصمیم نی قتیق بیر شکلده قاره له گن تشقی ایشلر وزیری تاریخ بوییچه کوریلمه گن بیر شکلده باسغیچ عملی قیلیب، پروگرام لریمیزنی کنسل قیلیش گه حرکت قیلماقده لر. بو بیر سرکوب قیلووچی تیزیم دیر. شخصی ملک ایگه لریگه، هوتل، توی صالونلریگه باسغیچ قیلیب، کیلیشوولرنی کنسل قیلماقده لر. همبورگ ده توی صالونی نینگ جوازینی کنسل قیلماقچی بولدیلر. مین باره من هیچ کیم مینگه مانع بولالمه یدی. جلسه اویوشتیریش اوچون جای تاپه میز" دیب، ایتدی.
همبورگ شهری نینگ بلدیه سی مطبوعاتچیلریدن بیر کیشی، آلمان مطبوعاتیگه بیرگن بیاناتیده، بو تغییرات نینگ امنیتی تدبیر باعث یوز بیرگن لیگینی بیان ایتدی.
مذکور صالون نینگ یانغین تدبیری سیستمی نینگ بولمه گن لیگی باعث نامعلوم بیر تاریخ گچه فعالیت آلیب باریشی نینگ توخته تیلگن لیگینی بیلدیردی.
چاووش اوغلی نینگ پروگرامی اوچون ایریم بیر صالون حاضرلنگن لیگینی بونینگ بوگون اعلان قیلینرلیگینی قید ایتدی.
بوندن آلدین هم ترکیه عدالت وزیری بکر بوزذاغ نینگ پنج شنبه کونگی پروگرامی پارک ییری و کیریش ایشیک لری نینگ ییترسیز ایکن لیگی باعث کنسل بولگن ایدی.
اقتصاد وزیری نهاد زیبکچی نینگ یک شنبه کونگی پروگرامی صالون ایگه سی تامانیدن کنسل قیلینگن لیگی بهانه سی بیلن ایریم بیر صالونگه آلینگن ایدی.
