بیرلشگن ملتلر تشکیلاتی سوریه بیلن تیگیشلی خواطر بیلدیرماقده

بیرلشگن ملتلر تشکیلاتی سوریه بیلن تیگیشلی خواطر بیلدیرماقده

بیرلشگن ملتلر تشکیلاتی ژنوده باشلنه دیگن صلح اوچره شوولریدن آلدین یوز بیریب تورگن شدت بیلن تیگیشلی خواطر بیلدیرماقده.

رویترز؛ دمشق ده مخالفلرنینگ کنترولیده گی منطقه گه 19- فبروریده هوای هجوم اویوشتیریلدی.

سوریه نینگ پایتختی دمشق ده اویوشتیریلگن هجوملرده کمیده 7 نفر جان بیردی و کوپ سانده کیشی یره لندی.

بیرلشگن ملتلر تشکیلاتی ژنوده باشلنه دیگن صلح اوچره شوولریدن آلدین یوز بیریب تورگن شدت بیلن تیگیشلی خواطر بیلدیرماقده.

بیرلشگن ملتلر تشکیلاتی سوزلاوچیسی فرخان خان دوشنبه کون بیرگن بیاناتیده دمشق نینگ بعضی بیر منطقه لریده ملکی اهالی لردن اولگن و یره لنگنلر بار. بیرلشگن ملتلر تشکیلاتی دمش و اطرافیده شدت نینگ آرتیب کیتیشیدن خواطرلنماقده" دیدی.

ترکیه نینگ عملیاتلری

ترک قوراللی کوچلری نینگ بیاناتیگه کوره، ترک کوچلری و امریکا قوشمه ایالتلری حمایه سیده گی کوچلرنینگ سونگی 24 ساعت جریانیده سوریه نینگ شمال تامانیده آلیب بارگن عملیاتلرده کمیده 44 داعش اعضاسی جنگری اولدیریلدی. فرات قالقانی عملیاتی چوکاتیده آلیب باریلگن عملیاتده داعش گه باغلیغ 109 آدرس اورولگن لیگی بیلدیریلدی.

بیر ترک عسکری نینگ اولگن لیگی ایککی عسکرنینگ یره لنگن لیگی قید ایتیلدی.

داعش گه قرشی ترک- امریکا همکارلیگی

دوشنبه کونی داعش ترور تشکیلاتی اعضاسی گولان تپه لری یقینیده آزاد سوریه اردوسیگه هجوم اویوشتیریب، بیر قطار قشلاق بیلن بیر قصبه نی قولگه کیریتدی.

بو هجوم خودی داعش نینگ پایتخت دیبا ته گن رقه گه قره ته عملیات آلیب باریلیشی ریجه لنه یاتگن پیتده اویوشتیریلدی. امریکالیک اداره چیلر بیر مدت دن بیری ترکیه گه اویوشتیرگن سفرلریده رقه عملیاتی اوچون اوچره شوولر عملگه آشیرماقده لر. جمهوریتچی سناتور جان مک کین دوشنبه کون جمهور رئیس ایردغان بیلن اوچره شگندن کیین "بیرلشگن دولتلر کینگ معناده امریکا قوشمه ایالتلری متفق لری و شریک لری بیلن مناسبت لریگه توسعه بیریش استراتیژیسی چوکاتیده داعش نی تیزلیکده مغلوبیت گه اوچره تیش اوچون ترکیه بیلن بیرگه لیکده فعالیت قیلیشی کیره ک و منطقه ده معقول بیر کوچ توازنی برقرار قیلیشی کیره ک، دیدی.