چاووش اوغلی: سوریه ده گی تروریستلر بیر بیر لری بیلن همکارلیک ایتماقده

ترکیه جمهوریتی تشقی ایش لر وزیری مولود چاووش اوغلی, بولووچی ترور تشکیلاتی پی کا کا نینگ سوریه ده گی بولیمی دن عبارت بولگن وای پی جی بیلن ترور تشکیلاتی داعش آره سیده سلاح آلینیب بیریلگن لیگی نی بیلدیردی. 

چاووش اوغلی, جی 20 تشقی ایشلر وزیرلری ییغیلیشی و 53 نچی خلق ارا مونیخ کنفرانسی اوچون تشریف بویورگن آلمانده گی اوچره شوو لری آرتیدن مطبوعاتی کنفرانس ترتیب له دی. 

چاووش اوغلی, سوریه ده گی فرقلی گروه لر آره سیده تجارت و همکارلیک نینگ موجود ایکن لیگی و باشقه بیر تاماندن ایسه خودی منه شوو گروه لرنینگ بیر بیر لری نی اولدیریتگن لیک لری نی بیلدیررایکن, "بیریلگن سلاح لرنینگ یریمی نینگ داعش و یریمی نینگ وای پی جی گه بیریلگن لیگی نی کوردیک.  وای پی جی نینگ قولیده گی سلاح پی کا کا نینگ قولیده گی سلاح معنی سی گه کیلماقده.  اویوشتیریلگن عملیات لر جریانیده اوشبو سلاح لر نی قول گه کریتماقده میز.  اساساً وای پی جی بیلن داعش بیر بیر لری گه قرشی کوچ کوره شی آلیب بارماقده.  سوریه نینگ کیله جگی اوچون ایمس, بلکه بیر بیر لریدن توپراق آلیش اوچون اوشبو تروریست لر اوروشماقده. بعضاً ایسه بیر بیر لری گه سلاح بیریب, بیر بیر لری دن قورال آله دیلر.  پطرول داخل ایریم موضوع لر بوییچه بیر بیر لری بیلن تجارت قیله دیلر.  اوشبو وضعیت نی همه بیله دی.  بوگون وای پی جی گه سلاح بیریش نینگ خطر لری و ریسک لری باره سیده بحث ایترایکن, همه نینگ دقتی نی اوشبو موضوع گه قره تیش گه انتیلدیک" دییه قید ایتدی. 

چاووش اوغلی, ترکیه بیلن امریکا آره سیده گی علاقه لر بوییچه, اوباما رهبریتی نینگ قیلگن اشتباه لری نی ترامپ رهبریتی نینگ ایندی کورگن لیگی نی معلوم قیلدی. 

امریکا ده گی ینگی رهبریت نینگ ترکیه بیلن بولگن علاقه لری بوییچه ینگی بیر دور نی باشله تیش طلبی نی ترکیه گه بیلدیرگن لیگی نی معلوم قیلگن چاووش اوغلی, اوز لری نینگ هم, اوباما رهبریتی نینگ, فتح الله چی ترور تشکیلاتی فتو نینگ باشلیغی فتح الله گولن نینگ ترکیه گه تاپشیریلمه گن لیگی و ترور تشکیلاتی پی کا کا نینگ سوریه ده گی قسمیدن عبارت وای پی جی نینگ امریکا تامانیدن حمایه لنگن لیگی سنگری اشتباه لری نی ینگی رهبریت گه بیلدیرگن لیک لری نی ایسله تیب اوتدی. 

ترکیه جمهوریتی جمهوررئیسی رجب طیب اردوغان, باش وزیر بنعلی ییلدیریم و اوزی نینگ امریکا لیک مخاطب لری بیلن  قیلگن صحبت لری جریانیده, ترکیه نینگ ترور تشکیلاتی وای پی جی خصوصیده گی حساسیتی نی بیلدیرگن لیک لری نی معلوم قیلگن چاووش اوغلی, "تروریست لر بیلن همکارلیک لرنینگ خطری نی امریکا لیک دوست لری میز گه توشینتیریب بیردیک.   توغری گروه لر بیلن همکارلیک ایتیلیشی تقدیرده, الباب آرتیدن الرقه و قالیویرسه سوریه نی هم داعش دن تصفیه ایتیشی میز ممکن.  موصل نینگ زود لیک بیلن داعش دن تصفیه ایتیلیشی اوچون عراقده ینه ده یخشیراق بیر ستراتژی میز نینگ بولیشی کیره ک.  اوشبو سیاسی اوچره شوو لر دن تشقری, استخباراتی و حربی اوچره شوو لر هم بولیب اوتدی. کیله جکده هم بونده ی اوچره شوو لر بولیب اوته دی" دییه قید ایتدی. 

چاووش اوغلی, ترامپ رهبریتی نینگ, ترکیه نینگ خواطر لری نی درک ایتیشی نی کوتیتگن لیگی نی بیلدیررایکن, اوز سوز لری نی, "ینگی رهبریت نینگ حقیقت لر نی درک ایتیشی نی طلب ایتماقده میز.  بونده ی بیر مفکوره نینگ حاکم بولیشی تقدیرده, مناسبت لری میز سابقده گی دیک بوله دی" شکلیده دوام ایتتیردی.