اردوغان سعودی عربستان گه تشریف بویوردی

ترکیه جمهوریتی جمهوررئیسی رجب طیب اردوغان, کورفز اولکه لری گه قیله دیگن سفری دایره سیده سعودی عربستان گه تشریف بویوردی. 

جمهوررئیسی اردوغان, بحرین سفری نینگ تکمیل بولیشی آرتیدن سعودی عربستان پایتختی ریاض گه تشریف بویوردی.

جمهوررئیسی اردوغان نی, سعودی عربستان پادشاهی سلمان بن عبدالعزیز قونلغه ده کوتیب آلدی. 

اردوغان نینگ کوتیب آلینیشی بیلن علاقه لی بولیب اوتگن رسمی مراسم گه ریاض امیری و ترکیه سفارتی نینگ پرسونلی هم اشتراک ایتدی. 

کیین چه لیک کیچکی پیتده جمهوررئیسی اردوغان ولیعهد شهزاده محمد بن نایف نی قبول قیلدی.

بوگون ایلک نوبتده ولیعهد شهزاده محمد نی قبول قیلگن جمهوررئیسی اردوغان اوچون رسمی مراسم ترتیب لندی. 

اوشبو مراسم آرتیدن پادشاه سلمان جمهوررئیسی اردوغان اوچون رسمی دعوت ترتیب له دی. 

کیین چه لیک ایسه هیئت لر ارا اوچره شوو لر بولیب اوتدی. 

ترکیه بیلن سعودی عربستان آره سیده گی مناسبت لرنینگ یخشی لشتیریلیشی گه حصه قوشیشی کوتیلیتگن اوشبو اوچره شوو دایره سیده منطقه و خلق ارا مقیاسده گی ینگی لیک لر توغری سیده بحث ایتیلدی. 

شونده ی قیلیب ایککی اولکه آره سیده حربی, اقتصادی و انرژی ساحه لری بوییچه اوز ارا همکارلیک لر میزانی نینگ آرتیریلیشی هدف قیلیب آلینماقده. 

ترکیه جمهوریتی تشقی ایشلر وزیری مولود چاووش اوغلی, انرژی و طبعی منبع لر وزیری برات آلبیرق, اقتصاد وزیری نهاد زیبکچی, ملی مدافعه وزیری فکری ایشیق, ترکیه جمهوریتی قوراللی کوچ لری قوماندانی سترجنرال خلوصی آقار و ملی استخبارات اداره سی نینگ باشلیغی هاکان فیدان هم جمهوررئیسی اردوغان بیلن همراه لیک ایتماقده. 

جمهوررئیسی اردوغان سعودی عربستان سفری نی تکمیل قیلگچ قطر گه جونب کیته دی.