جمهور رئیس ایردوغان، اساسی قانون بیلن علاقه لی تکلیف نی تصدیق ایتیب قول قویدی

جمهور رئیس ایردوغان، اساسی قانون بیلن علاقه لی تکلیف نی تصدیق ایتیب قول قویدی

ترکیه جمهور رئیس لیگی مطبوعات مرکزیدن بیریلگن معلوماتده، جمهور رئیس ایردوغان نینگ "ترکیه جمهوریتی اساسی قانونیده اوزگریش کیلتیریلیشی بیلن علاقه لی قانون" نی خلق نینگ رای گیرلیگی گه تقدیم ایتیلیشی اوچون باش وزیرلیک که یوبارگن لیگینی تذکر بیریلگن.

باش وزیر اورین باسری نعمان قورتولموش، ترکیه ده مذکور تکلیف بیلن تیگیشلی اوله راق احتمالاً 16 – اپریل کونی خلق سیلاوی بولیب اوته دی، دیدی.

قورتولموش آفیون ده گی اوز صحبتیده؛

حرمتلی جمهور رئیسیمیزنینگ اساسی قانون اوزگریش تکلیفی نینگ تصدیق ایتیب امضاله گن لیگی باعث ایندی مسؤلیت سیلاو اداره سیگه دیر. سیلاو اداره سی تخمیناً 16 – اپریل تاریخینی مناسب کوریب، 60 کون جریانیده خلق رای گیرلیگی بولیب اوتیشی قرارینی کیلگوسی کونلرده آله دی" دیدی.

تکلیف خلق رای گیرلیگیده ییترلی رای آلگنده ملت وکیل نینگ سانی 550 دن 600 گه آلیب باریله دی. ملت وکیل لیکه کاندید بولیش یاشی 25 دن 18 گه توشیریله دی.

ترکیه بویوک ملت مجلسی بیلن جمهور رئیس لیک سیلاولری 5 ییلده بیر بار بوله دی.

جمهور رئیس ایتیب سیلنگن کیشی نینگ حزب بیلن مناسبتی کیسیلمه یدی.