اردوغان: ترکیه ده جمهوریت رژیمیدن وازکیچیش ممکن ایمس

ترکیه جمهوریتی جمهوررئیسی رجب طیب اردوغان, ترکیه ده جمهوریت تیزیمی دن واز کیچیش نینگ هیچ بیر شکلده ممکن ایمس لیگی نی بیلدیردی. 

جمهوررئیسی اردوغان, ترکیه نینگ میلادی ۱۹۲۳ نچی ییلیده جمهوریت نی اعلان قیلیب رژیم بیلن علاقه لی اوز ترجیحی نی قیلگن لیگی نی معلوم قیلدی. 

اردوغان, جمهوررئیس لیگی قصریده بولیب اوتگن ۳۶ نچی کلانتر لر ییغیلیشی جریانیده معروضه قیلدی.

جوده حساس بیر دور ده بولیب اوتیتگن اوشبو ییغیلیش لرنینگ اهمیتی گه دقت قره تگن جمهوررئیسی اردوغان, "خودی منه شوو ییغیلیش دنیا نینگ برچه قسم لریده تعقیب ایتیلماقده.  بو ییرده بیز, سیز بیلن بیرگه بیر یقه دن باش چیقاریتگن لیگی میز نی کورستیتگن پیامنی دنیا گه بیرماقده میز" دییه قید ایتدی. 

اپریل آییده ترکیه ده بولیب اوتیشی پلانلنگن اساسی قانون اوزگریشی ریفریندومی باره سیده هم بحث ایتگن اردوغان, اوز سوز لری نی, " ترکیه میلادی ۱۹۲۳ نچی ییلیده جمهوریت نی اعلان قیلیب رژیم بیلن علاقه لی اوز ترجیحی نی قیلدی. ایندی ملتی میز نینگ بونده ی بیر مسئله سی یوق" شکلیده دوام ایتتیردی.  

ینگی اساسی قانون نینگ رژیم اوزگریشی دن عبارت ایکن لیگی نی ادعا ایتیتگن کیشی لر گه قتتیق بیر شکلده عکس العمل کورستگن اردوغان, "ترکیه نینگ بونده ی بیر مسئله سی یوق.  جمهوریت دن وازکیچیش گه حرکت ایته دیگن کیشی لر گه قرشی ملتی میز و مین کوره ش آلیب باره میز" دییه قید ایتدی.