اردوغان: الباب ترک اردوسی تامانیدن محاصره قیلیندی

ترکیه جمهوریتی جمهوررئیسی رجب طیب اردوغان, سوریه ده الباب نینگ ترک اردوسی و ایرکین سوریه اردوسی تامانیدن بوتونلی اوره ب آلینگن لیگی نی بیلدیردی. 

اردوغان, توناوون جمهور رئیس لیگی قصریده آلبانیا لیک تینگداشی بوجار نشانی بیلن مشترک بیر مطبوعاتی کنفرانس ترتیب له دی. 

ترور تشکیلاتی داعش نینگ شاشیب قالگن حالده هر خیل ترورچیلیک هجوم نی اویوشتیریب باشله گن لیگی نی بیلدیرگن اردوغان, "الباب نینگ زود لیک بیلن قول گه کریتیلیب اوز خلقی گه تاپشیریلیشی نی آرزو ایته من" دییه قید ایتدی. 

عینی دمده جمهوررئیسی اردوغان, روسیه نینگ انقره ایلچی سی نی اولدیرگن مولود مرد آلتینتاش نینگ فتح الله چی ترور تشکیلاتی موازی دولت ساختاری FETÖ/PDY اعضاسی ایکن لیگی نی بیلدیردی. 

جمهوررئیسی اردوغان, "اوشبو خصوصده روس و ترک هیئتی تحقیقات آلیب بارماقده. اوشبو تحقیقات لرنینگ زود لیک بیلن نتیجه بیریشی نی آرزو ایته من.  خودی منه شوو کیشی نینگ چیت ایللرده گی ارتباط لری باره سیده هم ایریم معلوماتلر موجود.  ملی استخبارات اداره سی و باشقه بولیم لری میز هم اوشبو خصوصده تحقیقات آلیب بارماقده" دییه قید ایتدی. 

جمهوررئیسی اردوغان, قاتل نینگ نیمه اوچون اولدیریلگن لیگی گه تیگیشلی سئوال گه ایسه, "قاتل قولی نی باشقه بیر تامان گه آلیب بارگنده, قاتل نی اورگن کیشی منفجره مواد پارتله ته دیگن لیگی نی اویلب اونی اورگن" شکلیده جواب قیتردی. 

عینی دمده اردوغان, بالکان لرده آلبانیا نینگ کلیدی بیر اهمیت گه ایگه ایکن لیگی نی بیلدیررایکن, فتح الله چی ترور تشکیلاتی موازی دولت ساختاری FETÖ/PDY گه قرشی کوره ش بوییچه همکارلیک لری اوچون جمهوررئیسی نشانی گه اوز منتدارچیلیک لری نی بیلدیردی.

جمهوررئیسی اردوغان, ترکیه نینگ, کوسووا نینگ تن آلینیشی خصوصیده گی سعی و حرکت لری نینگ دوام ایته دیگن لیگی نی بیلدیررایکن, کیله جک هفته کوسووا جمهوررئیسی هاشم تاچی نی کوتیب آله دیگن لیگی نی معلوم قیلدی.