جمهوریت بیرمی مناسبتی بیلن جمهوررئیسی اردوغان نینگ پیامی

ترکیه جمهوریتی جمهوررئیسی رجب طیب اردوغان, اکتوبر آیی نینگ 29 نچی کونی یعنی جمهوریت نینگ قوریلیشی نینگ 93 نچی ییل لیگی مناسبتی بیلن ترقتگن پیامیده ترک ملتی نینگ جولای آیی نینگ 15 نچی کونیده کودتاچی لر گه بیرگن قتتیق جوابی نی مقته دی. 

اردوغان, "بوگون ترکیه, جولای آیی نینگ 15 نچی کونی ایرته لبکی وقتی بیلن سالشتیریلگنده ینه ده کوچلیراق بیر ترکیه دن عبارت" دییه قید ایتدی. 

اردوغان, ترقتگن تحریری پیامیده, اوشبو بویوک دولت و ملت نینگ جمهوررئیسی ایکن لیگی اوچون فخرله نیتگن لیگی نی ایسله تیب اوتدی. 

جمهوررئیسی اردوغان, بوگون نینگ مصطفی کمال اتاترک رهبرلیگی ده قوریلگن ترکیه جمهوریتی نینگ 93 نچی ییل لیگیدن عبارت ایکن لیگی نی بیلدیررایکن, قوینتریق نی قبول قیلمه گن ترک ملتی نینگ استقلال و کیله جک لری نی هدف قیلیب آلگن اشغالچی لر گه قرشی تاریخده مثالی کورینمه گن بیر شکلده قهرمان لیق لر کورستگن لیگی نی معلوم قیلدی. 

اوشبو ظفر آرتیدن میلادی 1923 نچی ییلی اکتوبر آیی نینگ 29 نچی کونیده, "حاکمیت مطلق صورتده ملت گه عاید دیر" اساسی گه تینگن و اولکه نی معاصر مدنیت لر دن هم یوقاری راق سویه گه کوتریش هدفی بیلن ترکیه جمهوریتی نینگ قوریلگن لیگی نی بیلدیرگن جمهوررئیسی اردوغان, اوز سوز لری نی, "جمهوریتی میز نی, 2 مینگ 200 ییل لیق دولت عنعنه میز بیلن یشب کیلگن جغرافیه میز ده گی بیر مینگ ییل لیق سلجوقی و عثمانی میراثی آرتیدن, او کون نینگ شرایطیده قول گه کریتیلگن بیر موفقیت اوله راق بهالنترماقده میز. ترکیه جمهوریتی, 93 ییلدن بیری مقابلیده گی برچه قیین چیلک لر گه قره مسدن آلغه کیتیش گه دوام ایترایکن, اینیقسه سونگگی پیتلرده قیلینگن مفید تشبث لر بیلن حاضرگی کونده دنیا نینگ اینگ مهم اولکه لری آره سیده اورین آلیش گه موفق بولگن" دییه دوام ایتتیردی. 

دنیا نینگ قییریده بولمه سین, ترک لر و ترک دوست لری نینگ جولای آیی نینگ 15 نچی کونیده گی کودتا تشبثی گه قرشی ترک ملتی نینگ کورستگن قهرمان لیق لری بیلن افتخار قیلیتگن لیک لری نی بیلدیرگن اردوغان, هم کودتا تشبثی, هم اشغال حرکتی و همده کتته بیر بخت سیزلیک آرتیدن جمهوریت نینگ 93 نچی ییل لیگی نینگ کوتیب آلینیتگن لیگی نی ایسله تیب اوتدی. 

اردوغان پیامیده, هیچ کیمسه نینگ ترکیه ده گی برلیک, قرداش لیق و اتحاد گه قرشی موفق بولیشی نینگ ممکن ایمس لیگی نی معلوم قیلدی. 

ترکیه نینگ آلدینگی وقت لریدن هم قرارلی و کوچلیراق ایکن لیگی نی بیلدیرگن اردوغان, "ترور تشکیلاتی و اولر نینگ حمایه چی لری هم هدف لری میز گه ییتیشیشی میز بوییچه مانع بوله آلمیدیلر" دییه قید ایتدی. 

ترکیه جمهوریتی پارلمانی نینگ باشلیغی اسماعیل قهرمان اوشبو موضوع بیلن علاقه لی بیرگن پیامیده, "میلادی 1923 نچی ییلی اکتوبر آیی نینگ 29 نچی کونیده قوریلگن جمهوریتی میز نینگ 93 نچی ییلیده میز.  ملتی میز گه قوتلوغ بولسین" دییه قید ایتدی. 

امپریالست کوچ لرنینگ پلان لری نینگ ملتی میز نینگ عظمی و قرار لیگی بیلن بوزیلیب قالگن لیگی نی بیلدیرگ قهرمان, اوز سوز لرینی, "قیلگن اقدام لری میز بیلن, حریت و مستقل لیگی میز نی ینه ده مستحکم لشتیردیک" شکلیده دوام ایتتیردی. 

ینگی اساسی قانون نینگ اولکه نینگ تامیر لری نی ینه مستحکم لشتیره دیگن لیگی نی بیلدیرگن ترکیه جمهوریتی باش وزیری بنعلی ییلدیریم ایسه اوز پیامیده,  حقوق نینگ برترلیگی اساسیدن واز کیچمه گن, سیاسی سیستم اوله راق ریاستی سیستم نی قبول قیلگن, دموکراتیک و ایرکین ینگی بیر اساسی قانون بیلن اوز یول لری نی دوام ایتتیره دیگن لیک لری نی ایسله تیب اوتدی.