ترکیه خوفسیزلیک شوراسی بولیب اوتدی

ترکیه خوفسیزلیک شوراسی بولیب اوتدی

جمهور رئیس رجب طیب ایردوغان ریاستیده ترکیه خوفسیزلیک شوراسی جمهور رئیس لیک اوییده بولیب اوتدی. اوشبو اوچ یریم ساعت دوام ایتدی.

مذکور جلسه گه باش وزیر بن علی ییلدیریم، ایچکی ایشلر وزیری سلیمان سوسلو، ملی مدافعه وزیری فکری ایشیق، قوراللی کوچلر قومندانی خلوصی آقر بیلن تیگیشیلی اداره چیلر قتنشگن ایدیلر.

جلسه ده تروریست گروهی پی کاکانینگ قیش فصلی اوچون جایلشیشی گه قره ته آلیب باریله یاتگن عملیات مطرح بولگن لیگی بیلدیریلدی.

عراق نینگ موصل شهریده گی اوزگریشلر، شهرنی ترور تشکیلاتیدن تمیزلش اوچون احتمالی عملیات موضوعسی تارتیشیلگن.  

ترکیه قوراللی کوچلر قومندان لیگی نینگ داعش قاله ویرسه اغیریم ترور تشکیلاتلری تامانیدن ایجاد ایتیلگن تهدیدنی برطرف ایتیب، ترکیه نینگ سوریه حدودی نینگ خوفسیزلیک تدبیرینی یوقاری آلیب باریش، عین دمده ائتلاف کوچلریگه ئهمکارلیک قیلیش اوچون 2016 نچی ییل 24 نچی اگس ده باشلنگن فراد قالقانی حرکاتیده گی وضعیت مطرح بولیب اوتگن.

قوراللی کوچلر قومندانی خلوصی آقر فراد قالقانی عملیاتینی باشقرووچیلیگینی آلیب باراتگن خاص حرکات تیمی نینگ مرکزینی باریب کورگنلیگی و وضعیت بیلن علاقه لی اوله راق خوفسیزلیک جلسه سیگه معلوم ارائیه قیلگن لیگی معلوم قیلیندی.

فتح الله چی ترور تشکیلاتی (فتو) گه قرشی کوره ش جلسه نینگ مهم موضوع لریدن بیرته سی ایکن لیگی و دوام ایتیب تورگن تحقیق هم مطرح بولگن لیگی بیلدیریلدی.