باش وزیر ییلدیریم امریکا قوراللی کوچلرقومندانی بیلن اوچره شدی

باش وزیر ییلدیریم امریکا قوراللی کوچلر قومندانی بیلن اوچره شدی

ترکیه باش وزیری بن علی ییلدیریم امریکا قوشمه ایالتلری قوراللی کوچلر قومندانی جوزف دانفوردنی چانقایا قصریگه کوتیب آلدی.

ییلدیریم نینگ دانفورد آره سیده بولیب اوتگن اوچره شووده 15 نچی جولای کونی  آلیب باریلگن کودتا تشبثی فتونینگ رهنمالیگی بیلن عملگه آشیریلگن لیگی و بو نینگ ترکیه دموکراسیسی و ملتی گه قره ته اینگ بویوک تهدید عنصری ایکن لیگنی ایتگن لیگی بیلدیریلدی. عین دمده ترکیه نینگ بو حادثه نینگ آرتیدن کوچلی بیر شکلده چیققن لیگینی افاده ایتیب، ترکیه نینگ اورتاغی امریکا قوشمه ایالتلری نینگ اوشبو تروریستیک کودتا تشبثی گه قرشی رویه سی نی آچیق و صمیمی بیر شکلده عملی قیلیشی نینگ اهمیت گه سزاوار ایکن لیگینی اورغوله گن.

باش وزیر ییلدیریم نینگ مذکور اوچره شووده کودتا تشبثی گه قتنشگن عنصرلرگه قره ته آلیب باریله یاتگن تحقیق پروسه سی جریانی نینگ دموکراتیک اولکه، عدالت و قانون گه باغلیغ اوله راق آلیب باریلگن لیگینی بیلدیریب، امریکا قوشمه ایالتلریده گی تروریست تشکیلات رهبری فتح الله گولن و فتو اعضالری نینگ قیسقه مدت جریانیده تسلیم بیریلیشی نینگ کوتیب تورگن لیکلرینی قید ایتگن لیگی معلوم قیلیندی.

امریکا قوشمه ایالتلری قوراللی کوچلر قومندانی دانفوردنینگ ایسه 15 نچی جولای تاریخی ده گی منفور کودتا تشبثی نی قتیق بیر شکلده محکوم ایتگن لیگینی، اوشبو سفرنینگ اولکه سی نینگ ترک حکومتی و ملتی بیلن بیردم لیگینی کورستیش اوچون عملگه آشیریلگن لیگینی معلوم قیلگن. دانفورد عین دمده امریکا قوشمه ایالتلری نینگ ترکیه ده گی دموکراتیک سیستم گه همکارلیگی نینگ دوام ایترلیگینی و امریکالیک اداره چیلرنینگ ترکیه لیک اداره چیلر بیلن عسکری ساحه ده و ایریم ساحه لرده مشترکاً ایش آلیب باررلیگینی افاده ایتگن لیگی بیلدیریلدی.